Yobi 13:1-28
13 ”No iʼila fefu daʼa hörögu,No irongo talingagu ba aboto ba dödönia.
2 Uʼila göi hadia niʼilami andrö;Lö tohude ami moroi khögu.
3 Na yaʼodo, abölö sökhi fahuhuo ndraʼo khö Wondrege Zabölö.
Omasido fabuʼa föna Lowalangi ba zalua khögu andre.+
4 No miʼobousi döigu si sökhi ba waya.
Yaʼami andrö doto si lö eluaha.+
5 Enaʼö na lö hede-hedemi,Awena lafotöi ami niha satua-tua!+
6 Mifondrondrongo atö nifatunögu,Ba mifaigi hewisa mbawagu wamuʼa li.
7 Hadia omasi ami mifuyuʼö zatulö ba wangoʼawögö Lowalangi?
Hadia falimo ami börö ia?
8 Hadia omasi ami faʼawö khönia?
Hadia omasi ami miʼoʼawögö zalua khö Lowalangi sindruhu?
9 Na ifareso ami, hadia sökhi lua-luania?+
Hadia milimo ia simane na milimo niha?
10 Hasambalö mofönu ia khömiNa milau zi lö hede-hede ba ebua zambuana dödömi.+
11 Hadia lö manizi ami ba lakhöminia?
Hadia lö ataʼu ami khönia?
12 Fehede faʼatua-tua* nifaʼemami hulö gamaedola si lö moguna simane awu.
Fefu wehedemi andrö lö aro hulö dambu laʼuri.
13 Mihonogö ami, enaʼö uʼila fahuhuo.
Gofu hadia zalua khögu, yaʼalua ia!
14 Hadia guna ufaʼala ndraʼoBa utehegö nosogu?
15 Te omasi ia wamunu yaʼo, hizaʼi ubaloi manö.+
Fabuʼa dania ndraʼo fönania ba zalua khögu.
16 Yaʼia dania zi tobali fangorifigu,+Börö me tebai laʼondrasi Lowalangi ira niha si lö faʼaboto ba dödö khönia.*+
17 Mihaogö wamondrondrongo fehedegu;Mitöngöni niwaʼögu.
18 No ufaʼanö ndraʼo ba wamaehagö farakarogu;Faduhu dödögu wa yaʼo zatulö.
19 Haniha zolawa yaʼo?
Na lö hede-hedegu ba hasambalö matedo!*
20 He Lowalangi, ha dombua ngawalö niʼandrögu khöuEnaʼö lö ubiniʼö ndraʼo fönau:
21 Heta dangamö sabua andrö khögu,Ba böi fetaʼu ndraʼo.+
22 Kaoni ndraʼo ba utema liu,Mazui tehegö khögu fahuhuo ba tema ligu.
23 Hadia zalagu ba hadia horögu?
Fatunö khögu golalöwagu hegöi horögu.
24 Hana wa öbiniʼö mbawau+Ba öbaliʼö ndraʼo si faʼudu khöu?+
25 Yaʼodo andre hulö mbulu lehu niʼoloiʼö nangi ba simane töla wakhe soköli.
Hana wa öfetaʼu ba ögohi-gohi ndraʼo?
26 Lö öböhöli wamöbögö khögu si lö duhu,Ba öhuku ndraʼo ba horö nifaluagu me ono matua ndraʼo.
27 No ökalo gahegu,Öhörö-hörögö ndraʼo gofu hezo möido,Ba öfaigi-faigi mbekagu.
28 Hulö goboula ndraʼo.
Simane nukha niʼa hama.
Nisura ba gahe zura
^ Mazui ”Fehede si tebai muʼolifugö”.
^ Mazui ”niha sondröi sindruhu”.
^ Mazui te ”Na so, ulau zi lö hede-hede ba mate manö ndraʼo”.
