Yobi 14:1-22
14 ”Niha niʼadonogö ndra alawe,Lö anau noso+ ba afönu fangarö-ngarö.*+
2 Simane na mobowo mbunga, lö ara ba aleu.*+
Simane lumö-lumö, numalö ia ba taya.+
3 Atulö, no öhörö-hörögö ia,Ba öʼohe ia* föna zanguhuku.*+
4 Haniha zi tumbu si lö sala moroi ba niha si raʼiö?+
Samösa lö hadöi!
5 Si no tatu waʼanau noso niha,Ba dangamö so waʼoya mbaŵania.
No öhonogöi nola si tebai italuʼi.+
6 Böhöli wotöngö yaʼia enaʼö iʼila molombase,Irege no iʼasiwai ngaluonia, simane niha si manga gazi.+
7 Ba döla geu, ba so wanötöna.
Na teʼobö ia, hasambalö ifuli moliwiöBa tumbu ndrahania.
8 Hewaʼae atua waʼania ba danö,Ba oköli duhenia ba narö danö,
9 Na isöndra nidanö maʼifu, ba moliwiö iaBa ifuli tumbu ndrahania simane sinanö si bohou.
10 Na mate niha, adölö tou ba lö faʼabölö.
Na mate niha, hezo numalö ia?+
11 Taya nidanö ba nasi,Ogöʼö nungo nidanö ba oköli.
12 Simanö göi na adölö tou niha ba lö maoso.+
Hewaʼae taya dalu mbanua ba lö maoso ira,Mazui tesusugi ira ba naha wemörö.+
13 Enaʼö na öbiniʼö ndraʼo bakha ba Lewatö,*+Enaʼö na öbiniʼö ndraʼo irege alö wönumö.
Enaʼö na ötatugöi khögu ginötö ba itörö tödöu ndraʼo!+
14 Na mate niha, hadia tola ifuli auri?+
Ubaloi manö sagötö teʼosawuyu ndraʼo,*Irege teʼefaʼö ndraʼo.+
15 Ökaoni dania ndraʼo ba utema liu,+Omasiʼö na ifuli falukha ndraʼugö ba gomböila dangamö.
16 Hizaʼi, lö öböhöli wangerai bekagu iadaʼa.
Ha horögu nifaigi-faigimö.
17 Öbeʼe golalöwagu bakha ba mbola-bola si no mufotandro.
Öʼiröʼö* zalagu.
18 Simane hili sadudu ba saruru,Simane kara saefa moroi ba nahania,
19 Simane kara nihakhösi nidanö,Simane na ihanigö dambu hohou nidanö,Simane daʼö göi wamakikomö tötönafö niha.
20 Ökalaisi ia irege mate.+
Öfaböʼöni zikhalania ba öfofanö ia.
21 He na lafosumange mazui lahöndrögö ndraononia matua,Ba lö aboto ba dödönia.+
22 Tefakao ia ba abu dödöniaHa ba zi sandrohu faʼaurinia.”
Nisura ba gahe zura
^ Mazui ”ba fahöna wangabu dödö”.
^ Mazui te ”lataba”.
^ Sin.: ”ndraʼo”.
^ Mazui ”enaʼö tobali udumö föna zanguhuku”.
^ Mazui ”Syeol”. Faigi Geluaha Ngawua Wehede.
^ Eluahania sagötö so ia ba lewatö.
^ Sin.: ”Öbeʼe wamakitö ba”.