Yobi 15:1-35
15 Imane Elifasi+ niha Demano,
2 ”Na mohede niha satua-tua, hadia fanema li si lö karua ibeʼe,Mazui iʼasogö ba dödönia gera-era si lö sökhi?*
3 Lö eluaha na mubeʼe degu-tegu ha ba wehede,Ba lö moguna na ha asala fahuhuo.
4 Lö saʼae ataʼu niha khö Lowalangi öbeʼe,Ba lö laʼameʼegö tödö Lowalangi.
5 Olalöwamö andrö zamatörö fehedemö.
Öʼodödögö huhuo faʼonekhe.
6 Bawau zamaduhuʼö wa yaʼugö zi fasala, tenga yaʼo.
Beweu zamaduhuʼö salamö.+
7 Hadia yaʼugö niha si oföna tumbu,Mazui no tumbu ndraʼugö fatua lö hadöi hili-hili?
8 Hadia no örongo me ifatunö Lowalangi zi tobini andrö khönia,Mazui ha yaʼugö niha satua-tua?
9 Hadia niʼilamö ba maʼila göi.+
Hadia zaboto ba dödöu ba aboto göi ba dödöma.
10 So ba gotaluama zi no ahuwa ba si no alawa döfi,+Siaʼa nasa ia moroi khö namamö.
11 Hadia ambö nasa khöu wondrara dödö moroi khö LowalangiMazui fehede nihaogö?
12 Hana wa ifatörö ndraʼugö tödöu,Ba hana wa öfatara nono höröu?
13 Mofönuʼö khö Lowalangi,Ba ötehegö manö alua ba mbeweu wehede daʼö.
14 Hewisa wa tola ohau-hau niha?
Hewisa wa tola atulö niha niʼadonögö ndra alawe?+
15 Lö faduhu dödönia khö ndra malaʼikania,Ba lö ohau-hau dalu mbanua ba wamaiginia,+
16 Mendrua manö niha samalua ngawalö zi raʼiö ba si fatuwu khönia,+Niha sowökhi tödö ba wamalua si lö sökhi!
17 Ufatunö dania khöu, ba fondrondrongo!
Udunö-dunö hadia zi no uʼila,
18 Yaʼia daʼö nidunö-dunö niha sagatua-tua,+Nirongora khö ndra tuara ba lö labiniʼö.
19 Ha khöra tebeʼe danö andrö maʼafefu,Ba samösa lö hadöi niha baero sanörö otaluara.
20 Tefakao niha si lö sökhi sandrohu faʼaurinia;Sagötö ndröfi si no muhonogöi khö zamakao andrö.
21 Irongo li si möi fametaʼu.+
Ba ginötö waʼahono dödönia, tohare zorabu.
22 Aetu dötönafönia, tebai moloi ia moroi ba zogömi-gömi.+
No muhonogöi wa si mate ba wöda ia.
23 Tasi ilau ia wangalui gönia* ba imane, ’Hezo so?’
Aboto ba dödönia wa no ahatö ngaluo sogömi-gömi andrö.
24 Tobali fametaʼunia waʼatosasa ba famakao.
Ifatörö ia fefu daʼö hulö razo si no mamaʼanö yaʼia ba wasuwöta.
25 Börö me no ifazawa dangania ba wamadaö khö Lowalangi,Ba itandraigö wolawa* Fondrege Zabölö.
26 Börö waʼabeʼe högönia, möi ia ilawa,No iʼohe mbaluse saweʼe-weʼe ba saro;
27 No tebalu mbawania ba dawö,Ba ebua dalunia.
28 Toröi ia ba mbanua sebua si lö ara tö mududugö,Ba nomo si lö laʼiagö niha,Si tobali baho gara.
29 Lö isöndra waʼakayo, ba lö monönö göi waʼakayonia.
Lö muzawili haratonia ba zi sagörö soi daʼö.
30 Lö teʼefaʼö ia moroi ba zogömi-gömi.
Oköli ndrahania ba galitö.*
Ariri ia ba hanu-hanu si otarai mbawa Lowalangi.+
31 Yalöʼelungu ia ba faduhu dödönia ba zi lö eluaha,Börö me awai nitemania dania ha bua si lö moguna.
32 Alua daʼö ba zi lö ara tö,Ba lö irai tumbu ndrahania saʼae.+
33 Amaedola mbua nagu satoru ia fatua lö asoso,Ba simane töla geu zaitu sagatoru bowo.
34 Börö me zaya-zaya gölö fefu gangowuloa niha si lö faʼaboto ba dödö khö Lowalangi,*+Ba alitö dania zangohori ose niha sanema sölö-sölö.
35 Tabinara gabula dödö, ba laʼadonogö zi lö sökhi;Iʼasogö walimosa talura.”
Nisura ba gahe zura
^ Mazui ”ifoʼösi dalunia faoma angi gatumbukha?”
^ Sin.: ”roti”.
^ Mazui ”wokalaisi”.
^ Eluahania taya dötönafönia enaʼö döhö.
^ Mazui ”niha sondröi sindruhu”.
