Yobi 16:1-22
16 Imane Yobi,
2 ”No oya urongo zimane daʼa.
Tenga si möi fondrara dödögu wehedemi, minönö gabula dödögu!+
3 Hadia lö nasa saetu wehedemi si lö eluaha andrö?
Hana wa simane daʼö wehedemi?
4 Tola göi fahuhuo ndraʼo simane yaʼami.
Na khömi alua zimane salua khögu,Tola manö utahigö amiBa ufalikhö högögu khömi.+
5 Hizaʼi, ufarou dödömi fehede si otarai mbawagu,Ba ahono dödömi ubeʼe ba wehede fondrara dödö si otarai mbewegu.+
6 Na fahuhuo ndraʼo, ba lö taya gabula dödögu,+Ba na uböhöli wahuhuosa, lö zui aheta gabula dödögu.
7 Erege dödögu ibeʼe iadaʼa.+
Ihori fefu nösi nomogu.
8 Öraʼu göi ndraʼo ba lafaigi-faigi ndraʼo niha.
Börö me afuo sibai ndraʼo, lawalinga yaʼo zi sala.
9 Isasawi ndraʼo fönunia, ba no fahöʼö dödönia khögu.+
Ifatangi-tangi ia wamaigi yaʼo.
Si faʼudu khögu ba no lataruʼö höröra wamaigi yaʼo.+
10 No lafaboka mbawara ba wanölö yaʼo.+
Latafari mboʼögu si fao faʼafökhö dödö.
Laʼosaraʼö dödöra ba woʼuduni yaʼo.+
11 Ilulu ndraʼo ba danga ndraono matua,Ba iʼoroʼö ndraʼo ba danga niha si lö sökhi.+
12 Sohahau tödö mege ndraʼo, hizaʼi izumaigö ifufu ndraʼo.+
Ituyu duʼi-tuʼigu ba irasa ndraʼo.
Ibaliʼö ndraʼo naha dangania.
13 No lafasui ndraʼo si fafana khönia.+
Ifahö mbuagu+ lö faʼahakhö dödö.
Iduwagö gawökhugu tou ba danö.
14 Hulö dowa si no hauga kali itölaʼö ndraʼo.
Fagohi ia khögu hulö zanuwö.
15 No utagu nukha goni fombalugö guligu,+Ba no ukoʼo ba gawu-gawu döigu si sökhi.*+
16 Tagoyomö mbawagu weʼe,+Ba gambu guli hörögu,
17 Hewaʼae na lö irai ifalua zi lö sökhi tangagu,Ba mangandrö ndraʼo soroi ba dödö.
18 He yaʼugö tanö, böi biniʼö ndrogu!+
Böi batogö weʼaogu!
19 Iadaʼa manö, so zamaduhuʼö yaʼo ba zorugo.
Samaduhuʼö yaʼodo andrö, so ia ba nahia salawa.
20 Laʼoʼaya ndraʼo ira awögu+Ba ginötö uduwagö nidanö hörögu khö Lowalangi.*+
21 Yatohare samösa niha samaböli yaʼo khö Lowalangi,Simane na ifaböli niha khö nawönia.+
22 Börö me lö ara tö ndröfigu.
Mofanödo ba lö mangawuli.+
Nisura ba gahe zura
^ Mazui ”waʼabölögu”. Sin.: ”dandrugu”.
^ Mazui te ”Ba ginötö lö mörö ndraʼo ba wamaigi Lowalangi”.
