Yobi 17:1-16
17 ”No ahori waʼabölögu. No labunu ngaluogu.
Idöna-döna ndraʼo lewatö.+
2 No lafasui ndraʼo ira sangoʼaya.+
Anehe hörögu nifaluara börö me omasi ira mamadaö.
3 Uʼandrö khöu, yaʼugö zi möi ba wali khögu.
Haniha nasa zomasi faraʼu tanga khögu ba malau fawuʼu li?+
4 No öduhö dödöra irege lö khöra faʼaboto ba dödö.+
Daʼö mbörö wa lö ötehegö möna ira.
5 Faoma labagi-bagi khö nawöra gokhötara,Hewaʼae balunö hörö ndraonora ba waʼolofo.
6 No ibaliʼö ndraʼo fangoʼaya* ba niha sato,+Ba ladiloi mbawagu.+
7 Balunö hörögu börö wamakao si göna yaʼo,+Ba angao mbotogu maʼasageu.
8 Ahöli-höli dödö niha sadölö tödö wamaigi daʼa,Ba abu dödö niha si lö sala ba wamaigi niha si lö faʼaboto ba dödö khö Lowalangi.*
9 Niha satulö lö iböhöli wamalua satulö,+Ba itugu abölö niha si lö mamalua sala.+
10 Hizaʼi ubeʼe khömi ginötö ba wanahigö yaʼo,Moloʼö yaʼo, samösa lö satua-tua ba gotaluami.+
11 Lö ara tö ginötögu.+
No adudu niʼera-eragu awö zomasi dödögu.+
12 Lafaböʼöni zi bongi tobali si maʼökhö.
Lamane, ’Lö ara tö moluo,’ hizaʼi ha faʼogömi-gömi niʼilagu.
13 Na udöna-döna manö, Lewatö* zi tobali omogu.+
Ba ubologö naha wemörögu ba zogömi-gömi.+
14 Muʼao ndraʼo ba dögi lewatö,+ ’Amagu ndraʼugö!’
Ba umane ba guö-kuö, ’Inagu ndraʼugö ba talifusögu alawe!’
15 Hezo so dötönafögu?+
Hadia so zangumaʼö wa lö saetu dötönafögu?
16 Fanötönagu numalö tou ba Lewatö*Ba fao ndraʼo khönia ba gawu-gawu.”+
Nisura ba gahe zura
^ Mazui ”amaedola”.
^ Mazui ”niha sondröi sindruhu”.
^ Mazui ”Syeol”. Faigi Geluaha Ngawua Wehede.
^ Sin.: ”ba mbaʼa-baʼa Syeol”. Faigi ”Syeol” ba Geluaha Ngawua Wehede.
