Yobi 18:1-21
18 Imane Bilidado+ niha Zua andrö,
2 ”Hawaʼara öböhöli wahuhuosa simane daʼa?
Moguna ua aboto ba dödöu sakali, awena dania tola fahuhuo ndraʼaga.
3 Hana wa hulö gurifö ndraʼaga wamaigimö+Ba öbaliʼö ndraʼaga niha si bodo?*
4 Hewaʼae na mofönu ndraʼugö irege ösasawi nösimö,Hadia muröi gulidanö börö ndraʼugö,Mazui awuʼa hili sokara moroi ba nahania?
5 Börö me labunu haga niha si lö sökhiBa lö mohola haga galitönia.+
6 Haga bakha ba nosenia tobali faʼogömi-gömi,Ba labunu wandru yawania.
7 Aböda mbeka-bekania si baga andrö.
Nikhoi dödönia zamakiko yaʼia.+
8 Iʼohe ia ahenia ba guʼö,Ba tokhai ia.
9 Göna mbörö sisinia tandrawa.
Alau ia ba wesu.+
10 So zinali nibiniʼö tou ba danö ba wamaʼala yaʼia.
So dandrawa ba lala nitörönia.
11 Ataʼu ia börö zi hokha mbunia ba zi fasuinia,+Lagohi ia moroi furi.
12 Taya waʼabölönia,Ba mukhölö khönia danö* börö wamakao.+
13 Ahori gulinia;Ahori mbotonia börö wökhö si möi famunu.*
14 Lasöbi ia baero moroi ba nosenia sohahau dödö+Ba lalulugö ia ba waʼamate* si hokha mbunia.
15 Niha baero zi toröi ba nosenia.
Lafazawili mbalera ba nomonia.+
16 Oköli waʼania simane töla geu,Ba aleu ndrahania.
17 Lö itörö tödö niha ia ba gulidanö.
Lö laʼila döinia ba lala.
18 Latiboʼö ia moroi ba haga numalö ba zogömi-gömiBa lafofanö ia moroi ba gulidanö.
19 Lö hadöi maʼuwunia hegöi ngaʼötönia ba gotalua soinia.
Lö sanohugö töinia ba nahia si toröi yaʼia.
20 Tokea dödö niha Gaekhula me larongo no göna ia famakao,Ba sindruhu-ndruhu wa ataʼu niha Gatumbukha.
21 Daʼö zalua ba nose niha si lö sökhi,Hegöi nahia waʼatoröi niha si lö faʼaboto ba dödö khö Lowalangi.”
Nisura ba gahe zura
^ Mazui te ”si raʼiö”.
^ Mazui ”Ba akela-kela ia”.
^ Sin.: ”börö ziaʼa nono waʼamate”.
^ Sin.: ”khö razo”.
