Yobi 19:1-29
19 Imane Yobi,
2 ”Hawaʼara miböhöli wamusi tödögu,+Ba miʼafökhöiʼö dödögu ba wehedemi?+
3 No fulu kali mofönu ami khögu.*
Lö aila ami mifalua khögu zi lö sökhi.+
4 Hewaʼae na ufalua zala,Ba yaʼo zoluʼi.
5 Na miwaʼö tödömi wa tohude ami moroi khögu,Mifobahulu ndraʼo wa sinangea niʼoʼaya,
6 Yaʼaboto ba dödömi wa no ifaelungu ndraʼo Lowalangi,Ba no iraʼu ndraʼo ba guʼönia.
7 Lö uböhöli weʼao, ’Faʼalösökhi!’ ba lö hadöi sameʼe fanema li.+
Lö uböhöli wangandrö fanolo, hizaʼi lö hadöi faʼatulö.+
8 Ibaʼa lalagu faoma towa kara, ba tebai utörö.
Iduhö lalagu faoma faʼogömi-gömi.+
9 Irabu lakhömiguBa ihalö dakula ba högögu.
10 Ifakiko ndraʼo ofeta mate.
Ideha wanötönagu simane eu.
11 Alua wönunia sabölö-bölö khögu,Ba ibaliʼö ndraʼo si faʼudu khönia.+
12 Hasara dödö ndra saradadunia ba lafaʼuʼu ndraʼo.
Lafazökhi nosera ba zi fasui osegu.
13 Ifofanö ba zaröu ndra talifusögu moroi ba zingagu.
No laröi ndraʼo si faʼila khögu.+
14 Lö hadöi saʼe si fahatö khögu,Ba lö saʼae latörö tödöra ndraʼo ira si fahuwu khögu.+
15 Tome ba nomogu+ hegöi sawuyugu ira alawe, labaliʼö ndraʼo niha baero.
Hulö zi fatewu ndraʼo ba wamaigira.
16 Ukaoni zohalöwö khögu, hizaʼi lö idema-dema.
Mangandrö tolo ndraʼo khönia enaʼö ihakhösi tödö ndraʼo.
17 Ogoro woʼomogu ira alawe hanu-hanugu.+
Hulö goboula ndraʼo ba wamaigi ndra talifusögu sindruhu.*
18 Iraono si gide-ide manö ba fatuwu ira khögu.
Na mozizio ndraʼo ba laʼoʼayado.
19 Fefu zi fahuwu khögu fatuwu ira ndraʼo,+Ba lalawa ndraʼo iadaʼa niha niʼomasiʼögu.+
20 Fakitö dölagu ba guligu hegöi ba nagolegu,+Ba arakhagö utörö waʼamate.*
21 Mihakhösi tödö ndraʼo, yaʼami si fahuwu khögu, mihakhösi tödö ndraʼo,Börö me tanga Lowalangi zamözi yaʼo.+
22 Hana wa lö miböhöli wamakao yaʼo simane nifalua Lowalangi,+Ba lö mibato wanuwö yaʼo?+
23 Enaʼö na tesura wehedegu andre!
Enaʼö na no tesura ba zi sambua buku!
24 Enaʼö na no muhaogö mufoe ia ba gara irugi zi lö aetu,Faoma fena siʼöli awö zimo!
25 Aboto ba dödögu wa so samösa zangöhöli yaʼo.*+
Tohare ia dania ba mozizio ia ba dete danö.
26 Hewaʼae no simane daʼa waʼadudu guligu,Ba na lö si mate nasa ndraʼo, ba uʼila dania Lowalangi.
27 Uʼila dania ia.
Hörögu dania zangila yaʼia, tenga hörö niha böʼö.+
Hizaʼi, bakha ba dödögu, urasoi waʼamarase!*
28 Mimane, ’Hana wa iwaʼö yaʼita zamakao yaʼia?’+
Hulö no miʼila wa yaʼo mbörö ngawalö zalua andre.
29 Miʼataʼufi wöda,+Börö me föda zanguhuku olalöwa.
Moguna aboto ba dödömi wa so zanguhuku andrö.”+
Nisura ba gahe zura
^ Mazui ”miʼoʼaya ndraʼo”.
^ Mazui ”nono ninagu”.
^ Sin.: ”teʼorifi ndraʼo börö guli nifögu”.
^ Mazui ”zowöli yaʼo mangawuli”.
^ Sin.: ”urasoi wa afökhö mbuagu”.
