Yobi 21:1-34
21 Imane Yobi,
2 ”Haogö wamondrondrongo fehedegu.
Daʼö zi tola mifalua ba wondrara tödögu.
3 Mibologö dödömi sagötö wahuhuosagu.
Aefa daʼö dania, tola miʼoʼaya ndraʼo.+
4 Hadia mangarö ndraʼo ba niha?
Na yaʼia, ba no taya waʼebolo dödögu.
5 Mifaigi ndraʼo! Ba ahöli-höli dania dödömiBa lö hede-hedemi.
6 Na uʼangeragö zalua andre, abu dödögu,Ba manizi fefu mbotogu.
7 Hana wa lö iʼila mate niha si lö sökhi,+Anau nosora ba kayo* ira?+
8 Lö tebulö so ndraonora ba zingara,Ba tola laʼila ngaʼötöra.
9 Lö ametaʼuö ba nomora. Lö irai ataʼu ira.+
Lö ihuku ira Lowalangi faoma siʼonia.
10 Oya nono zawi si matua khöra.
Moʼono zawi si alawe khöra ba lö irai adudu.
11 Fagohi-gohi nonora matua simane ngawawa mbiri-biri,Ba manaoka-naoka ndraonora ba waʼomuso dödö.
12 Manunö ira si fao tamburu ba harafa,Ba omuso dödöra wamondrondrongo li zurune.+
13 Omuso dödöra ba waʼaurira,Ba numalö ira tou ba Lewatö* si fao faʼahono dödö.*
14 Ba lamane khö Lowalangi sindruhu, ’Böi gadu ndraʼaga!
Lö omasiga aboto ba dödöma lala andrö khöu.+
15 Haniha Wondrege Zabölö andrö irege mafosumange ia?+
Hadia harema na no maʼila ia?’+
16 Hizaʼi, uʼila wa tebai latatugöi waʼomuso dödöra samösa.+
Aröu faböʼö lala wangera-ngeragu* moroi ba niha si lö sökhi.+
17 Hauga kali labunu wandru niha si lö sökhi?+
Hauga kali göna khöra wamakao?
Hauga kali mofönu khöra Lowalangi irege ifakiko ira?
18 Hadia no irai hulö döla wakhe soköli ira niʼoloiʼö nangi,Ba simane uliho nifohombo nangi sabölö-bölö?
19 No iʼiröʼö wanguhuku khöra Lowalangi soguna ba ndraonora.
Hizaʼi, yaʼisulöni göi ba niha daʼö Lowalangi enaʼö irasoi lua-luania.+
20 Yaʼiʼila hörönia waʼatekikonia samösa,Yaʼibadu nösi mako wönu andrö moroi khö Wondrege Zabölö.+
21 Na muʼadogoiʼö ndröfinia,Hadia tola iʼameʼegö tödö zalua ba ngaʼötönia na lö yaʼia?+
22 Lowalangi zanguhuku fefu niha, hewaʼae na sebua faka niha daʼö,+Hadia so zi tola mamahaʼö Lowalangi?*+
23 So niha si mate ba ginötö waʼabölönia nasa,+Ba ginötö ahono dödönia ba lö halöwönia,+
24 Ba ginötö motawö wahaniaBa abölö dölania.*
25 So göi niha si mate ba waʼabu dödö,Lö irai irasoi zi sökhi.
26 Fagölö-gölö tefadölö ira ba gawu-gawu.+
Faoma ihawui ira kuö-kuö.+
27 Aboto ba dödögu lala wangera-ngeramiHegöi tandrawa nifaluami ba wamaʼala yaʼo.*+
28 Mimane, ’Hezo nomo niha si tehöngö andrö?
Hezo nose naha waʼatoröi niha si lö sökhi andrö?’+
29 Hadia lö manofu ami ba niha sanörö?
Hadia lö mifahaʼö ami moroi ba dandra si no laʼila,*
30 Wa lö mate niha si lö sökhi ba ginötö wamakao,Ba teʼefaʼö ia ba ngaluo wönu?
31 Haniha zanegu yaʼia ba gamuatania?
Haniha zanulöni amuatania?
32 Lakoʼo ia ba lewatö,Ba latarogö lewatönia.
33 Ami worasoinia dambu si so ba ndraso daʼö,+Fefu niha gulidanö laʼoʼö ia ba daʼö,*+Simane faʼato niha si tebai muʼerai fatua lö yaʼia.
34 Börö daʼö, hadia gunania na no mibeʼe wondrara dödö si lö eluaha andrö?+
Ha falimosa wanema li nibeʼemi!”
Nisura ba gahe zura
^ Mazui ”mamatörö”.
^ Mazui ”Syeol”. Faigi Geluaha Ngawua Wehede.
^ Mazui ”ha mamöʼi hörö”, eluahania ha samuza waʼamate ba lö irasoi waʼafökhö.
^ Mazui ”nifakhoi dödögu”.
^ Mazui ”mangombakha khö Lowalangi ngawalö waʼatua-tua?”
^ Sin.: ”abasö guto dölania”.
^ Mazui te ”ba wamalua khögu si lö sökhi”.
^ Mazui ”ba zi no lanehegö”.
^ Sin.: ”Idöni fefu niha gulidanö enaʼö laʼoʼö ia”.
