Yobi 22:1-30
22 Imane Elifasi+ niha Dema andrö,
2 ”Hadia moguna niha khö Lowalangi?
Hadia moguna khönia niha satua-tua?+
3 Hadia omuso dödö Wondrege Zabölö na no öfalua zatulö,Mazui so harenia na lö öböhöli wamatimö?+
4 Hadia tehuku ndraʼugöBa iʼoheʼö föna zanguhuku börö me öfosumange ia?
5 Hadia tenga börö me no talafo waʼalösökhimöBa lö iʼila aetu zalamö?+
6 Örabu gama-gama ndra talifusöu ba zi lö börö, öbaliʼö gade,Ba öhalö mbaru niha irege lö nukhara.+
7 Lö öfabadugö nidanö ba niha serege tödöBa lö öbeʼe gö niha solofo.+
8 Niha sabölö ba ebolo danönia,+Ba ha niha si tehöngö zi toröi ba daʼö.
9 Hizaʼi, öfofanö lakha mbanua lö noro danga,Ba öfatö daʼio ndraono si lö ama.*
10 Daʼö mbörö wa ifasui ndraʼugö tandrawa,*+Ba tohare ba zi lö ödöna-döna ngawalö zi hokha mbu si tobali fametaʼumö.
11 Daʼö mbörö wa so zogömi-gömi sombalugö höröu,Ba molö sangöhöndrögö yaʼugö.
12 Hadia tenga ba wondrege dalu mbanua si yawa so Lowalangi?
Faigi atö hawaʼalawa fefu ndröfi.
13 Ba ömane, ’Sindruhunia, hadia niʼila Lowalangi?
Hadia tola iʼetuʼö huku ba zi tambai waʼogömi-gömi?
14 No ibalugö ia lawuo irege lö iʼilaMe ifangörö-ngörö ia ba dalu mbanua.’
15 Hadia öfuli ötörö lala me fönaNitörö niha si lö sökhi?
16 Yaʼira andrö niha si mate fatua lö inötöra,Simane tomosa nihanigö molö.*+
17 Lamane khö Lowalangi sindruhu, ’Böi gadu-gadu ndraʼaga!’
Ba, ’Hadia zi tola ifalua khöma Fondrege Zabölö?’
18 Hizaʼi, yaʼia zamoʼösi omora faoma ngawalö zi sökhi.
(Fangera-ngera si lö sökhi simane daʼö lö hadöi ba wangera-ngeragu.)
19 Laʼila dania daʼö ira niha satulö ba omuso dödöra,Ba niha si lö sala zangoʼaya yaʼira lamane,
20 ’No tehori fefu zi faʼudu khöda,Ba alitö zi manga si toröi.’
21 Tandraigö fahuwu khönia ba atulö dania ndraʼugö khönia.
Na öfalua daʼö, ösöndra ngawalö zi sökhi.
22 Temaʼö goroisa moroi ba mbawania,Ba iröʼö wehedenia ba dödöu.+
23 Na öfuli ndraʼugö khö Wondrege Zabölö, ba mangawuli waʼabölöu.+
Na öheta ngawalö zi lö sökhi moroi ba nosemö,
24 Na ötiboʼö ganaʼamö ba gawu-gawu,Anaʼa Gofiri+ ba mbawa danö sokara,
25 Ba tobali anaʼamö dania Wondrege Zabölö,Ba firö fondrege zi sökhi ia khöu.
26 Fondrege Zabölö zi tobali umbu waʼomuso dödöu,Ba öfaöga dania höröu si yawa khö Lowalangi.
27 Öʼangaröfili dania ia ba ifondrondrongo wangandröu.
Öfalua mbuʼusa limö.
28 Mofozu dania fefu gangetulamö,Ba mohaga lalamö.
29 Teʼailasi dania ndraʼugö na fahuhuoʼö ba waʼasiliyawa.
Hizaʼi, iʼorifi niha sangide-ngideʼö yaʼia.
30 Iʼefaʼö niha si lö sala.
Iʼefaʼö ndraʼugö na lö hadia ia zi falemba ba dangau.”
