Yobi 23:1-17
23 Imane Yobi,
2 ”Maʼökhö daʼa manö ba mangarö ndraʼo börö me tebai utaögö zalua khögu.+
Ahori waʼabölögu börö me lö tebato wangarö-ngarögu.
3 Enaʼö na uʼila hezo so Lowalangi!+
Ba möido ba nahiania.+
4 Uʼohe khönia gamadöniwagu andre,Ba ufatunö khönia fefu hewisa wameta ba hulugu.
5 Omasido uʼila hadia wanema linia,Ba uhaogö utöngöni hadia niwaʼönia khögu.
6 Hadia ilawa ndraʼo faoma faʼabölönia sebua?
Löʼö, hasambalö ifondrondrongo niwaʼögu.+
7 Ba daʼö möi zadölö tödö fönania ba wangatulöʼö salua khönia,Ba iʼefaʼö ndraʼo Sanguhuku yaʼo sakali irugi zi lö aetu.
8 Hizaʼi me möi ndraʼo ba gatumbukha, lö yaʼia.
Ba me möi ndraʼo ba gaekhula, lö si falukhaga.
9 Me mohalöwö ia tanö yöu, lö uʼila ia.
Ba me iholeʼö ia miraya, lö niʼilagu yaʼia.
10 Hewaʼae simanö, iʼila lala waʼaurigu.+
Me no itandraigö ndraʼo, ba no hulö ganaʼa si sökhi.+
11 Lö faröi ndraʼo wanara lahenia.
Utörö lalania ba lö uholeʼö ndraʼo.+
12 Lö usawö goroisa si otarai mbewenia.
Uʼiröʼö wehedenia si fao faʼamohiʼa dödö töra moroi ba niʼandrönia.+
13 Na no ihalö gangetula ba haniha zi tola molawa?+
Na so zomasi ia ifalua, ba hasambalö aʼozu.+
14 Ifalua fefu zi no ihonogöi khögu,Ba oya nasa danö böʼö simane daʼö.
15 Daʼö mbörö wa aombö dödögu ibeʼe.
Na uʼangeragö ia, itugu ataʼu ndraʼo.
16 Noa sa afatö dödögu ibeʼe Lowalangi,Ba manizi ndraʼo ibeʼe Fondrege Zabölö.
17 Hizaʼi, lö iduhö mbawagu faʼogömi-gömiMazui ametaʼuö sombalugö bawagu.
