Yobi 24:1-25
24 ”Hana wa lö ihonogöi ngaluo wanguhuku Fondrege Zabölö?+
Hana wa lö laʼila ngaluo daʼö ira si fahuwu khönia?
2 Lafawuʼa nola danö.+
Latagö mbiri-biri ba laʼohe ba mbenua soduʼu khöra.
3 Lahalö galide okhöta ndraono si lö amaBa larabu zawi si matua tana khö lakha mbanua tobali gade.+
4 Lö latehe ba niha si numana wanörö lala;Labiniʼö ira khöra dozi niha si no tefakao.+
5 Laʼalu-alui göra ira niha si numana simane kalide gatua+ ba danö si mate.
Laʼalui gö ndraonora ba danö si lö niha-niha.
6 Mamasi ira* ba nowi niha böʼöBa laʼowuloi mbua nagu moroi ba nowi niha si lö sökhi.
7 Mörö ira lö nukha.+
Lö hadöi ambalara na oʼafu ira.
8 Abasö ira börö deu ba hili.
Lalumöʼö ira ba hili sokara börö me lö osera.
9 Larabu nono si lö ama nifaenu ninania.+
Lahalö mbaru niha si numana tobali gade.+
10 Mofanö ira lö nukha,Ba laʼonoro mbasitö ba waʼolofo.
11 Laforege wohalöwö* ba zino si riri-riri ba nowi si so ba gahe hili.
Lahundra-hundra naha wamera agu, hizaʼi owökhi dödöra.+
12 Lö teböhöli wangarö-ngarö niha sarakhagö mate ba mbanua sebua misa;Muʼao niha sebua bawa zokho ba wangandrö tolo,+Hizaʼi iʼosilömangilagö daʼö fefu* Lowalangi.
13 So niha samadaö ba wolawa haga;+Lö aboto ba dödöra lalaniaBa lö laʼoʼö.
14 Maoso sihulö wongi zamunu niha.
Ibunu niha si lö faʼabölö ba si numana.+
Tobali ia sanagö ba zi bongi.
15 Ibalo-baloi waʼaekhu luo niha sohorö-horö.+
Imane, ’Lö sangila yaʼo!’+
Ba ibalugö mbawania.
16 Laboto nomo ba waʼogömi-gömi;Labiniʼö ira ba zi maʼökhö.
Lö laʼila haga ba zi maʼökhö.+
17 Hulö zogömi-gömi khöra zihulö wongi andrö.
Toʼölö ira ba waʼogömi-gömi sataʼu niha.
18 Hizaʼi, ihanigö ira idanö ba waʼalio.
Teʼelifi danö tana khöra.+
Lö mangawuli ira ba kabu nagu khöra.
19 Simane faʼoköli ba faʼaukhu sangombuyuʼö esi,Simane daʼö Lewatö* ba wangohori niha samalua horö!+
20 Olifu khöra ninara. Kuö-kuö zi manga ösira.
Lö saʼae itörö-törö tödö niha ira.+
Ba lafatö niha samalua si lö sökhi simane töla geu.
21 Laʼisö ndra alawe si lö ono,Ba lafakao lakha mbanua.
22 Iʼogunaʼö dania waʼabölönia Lowalangi ba wangohori niha sabölö;Hewaʼae na so dadaomara salawa, lö samabuʼu wa auri ira.
23 Ilulu ira Lowalangi ba waʼabeʼe dödöra hegöi ba waʼohahau dödöra,+Hizaʼi ifaigi-faigi gofu hadia nifaluara.*+
24 Teʼalawaʼö ira ba zi lö arara, aefa daʼö lö yaʼira saʼae.+
Teʼailasi ira+ ba teʼowuloi simane niha sato fefu.
Hulö simane gandru nitaba ngalai ira.
25 Iadaʼa, haniha zi tola mamaduhuʼö wa falimo ndraʼoMazui sangoromaʼö wa fasala wehedegu?”
Nisura ba gahe zura
^ Mazui te ”Lahalö gö guriföra”.
^ Mazui te ”Lafarö wanikha”.
^ Mazui te ”lö ifatunö haniha zi sala”.
^ Mazui ”Syeol”. Faigi Geluaha Ngawua Wehede.
^ Sin.: ”lala nitöröra”.
