Yobi 26:1-14
26 Ba imane Yobi,
2 ”Oya sibai wanolo nibeʼemö ba niha si lö faʼabölö!
Sindruhu-ndruhu wa no öʼefaʼö niha sambö faʼabölö!+
3 Sökhi sibai wanuturu lala nibeʼemö ba niha si lö faʼatua-tua!+
Ba oya sibai mene-mene si sökhi nifaʼemau!
4 Haʼökhö fahuhuo ndraʼugö?
Ba haniha zameʼe khöu eheha ba wahuhuosa simane daʼö?
5 Manizi niha si lö faʼabölö ba waʼamate.
Abölö adogo-dogo ira moroi ba nasi awö zi toröi ba daʼö.
6 Lö balu-balu Lewatö* ba wamaigi Lowalangi,+Ba lö si teduhö naha waʼatekiko* andrö.
7 Ibologö mbanua tanö yöu ba zi lö ösi,+Ifanawa-nawa gulidanö yawa zi löʼö.
8 Ibukusi nidanö bakha ba lawuo,+Hizaʼi lö aboto lawuo daʼö ba wanaha faʼabua.
9 Lö oroma dadaomania ba waʼarazoMe ibologö lawuo yawania.+
10 No ifazökhi nola ba gotalua dalu mbanua awö nasi.+
Ihonogöi nola ba gotalua haga ba sogömi-gömi.
11 Modögö gehomo sanuwu talu mbanua,Ba moheu me iʼebuaʼö linia.
12 Börö waʼabölönia wa tola mobade nasi,+Ba börö waʼaboto ba dödönia wa tehori gurifö sebua sibai si so ba nasi.*+
13 Ba hanu-hanunia* ohahau dalu mbanuania.
Tangania zamahö ulö salio moloi.
14 Awena singa-singa moroi ba nifaluania daʼö.*+
Awena tiu-tiu li nirongoda sanandrösa khönia!
Börö daʼö, haniha zi tola mogamö faʼaboto ba dödö feʼugu-ugu mbanua sabölö andrö khönia?”+
Nisura ba gahe zura
^ Mazui ”Syeol”. Faigi Geluaha Ngawua Wehede.
^ Mazui ”lö si tebulö Gabado”.
^ Sin.: ”Rakhaba”.
^ Mazui ”Ba nanginia”.
^ Sin.: ”Awena badö-badö lalania daʼö”.