Yobi 27:1-23
27 Itohugö huhuonia* Yobi,
2 ”Faya wa no sauri Lowalangi si no mangai khögu faʼatulö,+Ba faya wa no sauri Wondrege Zabölö sameʼe afeto waʼaurigu,+
3 Fatua nasa so nosogu,Sagötö so nasa hanu-hanu Lowalangi ba mbotogu,+
4 Lö alua ba mbewegu zi lö atulö,Ba lö iwaʼö lelagu walimosa!
5 Lö duhu ufotöi ami niha satulö!
Irege aetu nosogu, ba lö uböhöli waʼalöfaröigu!+
6 Lö uböhöli wangumaʼö wa atulö ndraʼo, ba lö uböhöli wamalua yaʼia.+
Sagötö faʼaurigu, lö uwaʼö wa fasala ndraʼo.*
7 Yagöna fanguhuku zi faʼudu khögu simane niha si lö sökhi,Ba tehuku niha samakao yaʼo simane niha si lö atulö.
8 Hadia dötönafö niha si lö mangokhögö faʼaboto ba dödö khö Lowalangi* na tehori ia,+Na ihalö nosonia Lowalangi?
9 Hadia ifondrondrongo weʼaonia LowalangiNa göna ia famakao?+
10 Hadia omuso dödönia börö Wondrege Zabölö andrö?
Hadia lö iböhöli weʼao khö Lowalangi?
11 Ufahaʼö ami sanandrösa ba waʼabölö* Lowalangi.
Lö ubiniʼö gofu hadia ia sanandrösa khö Wondrege Zabölö.
12 Na no mitema fefu gangilata,Hana wa lö eluaha fefu wehedemi andrö?
13 Daʼa wanguhuku nitema niha si lö sökhi khö Lowalangi,+Ondröita nitema niha samakao moroi khö Wondrege Zabölö.
14 Hewaʼae oya nononia, si mate dania ira ba mbawa wöda,+Ba ambö balazo soguna ba ngaʼötönia.
15 Ngaʼötönia sauri nasa, ba si mate dania ba wökhö,Ba lö laʼeʼesi ira lakha mbanua.
16 Hewaʼae ihöna wirö simane faʼoya gawu-gawu,Ba iʼiröʼö nukha si sökhi simane faʼoya dambu laʼuri,
17 Hewaʼae iʼowuloi fefu daʼö,Niha satulö dania zangogunaʼö,+Ba niha si lö sala dania zombagi firönia ba gotaluara.
18 Alio adudu nomo nifazökhinia simane mumu,Simane ose+ nifazökhi zanaro.
19 Mörö ia simane niha si kayo, hizaʼi lö ibasi hadia ia;Me ibokai hörönia, no taya fefu daʼö.
20 Itörö ia faʼataʼu simane molö.
Bade zangoloiʼö yaʼia ba zi bongi.+
21 Iʼoloiʼö ia angi gatumbukha, ba taya ia.
Daʼö zamözini yaʼia ba nahania.+
22 Daʼö zamözi yaʼia, lö faʼahakhö dödö+Me iforege saʼoi dölania ba wangefaʼö yaʼia.+
23 Möi fangoʼayania+ daʼö moroi ba nahania,*Ba labözi dawo-tawo ba wangoʼaya yaʼia.
Nisura ba gahe zura
^ Sin.: ”gamaedolania”.
^ Mazui ”lö itahigö ndraʼo tödögu”.
^ Mazui ”niha sondröi sindruhu”.
^ Mazui te ”Ufahaʼö ami faoma tanga”.
^ Mazui te ”Laʼoʼaya ia moroi ba nahiara”.