Yobi 29:1-25
29 Itohugö huhuonia* Yobi,
2 ”Enaʼö sibai simane yaʼo me föna,Me inötö irorogö ndraʼo Lowalangi,
3 Me ihagaini högögu faoma fandrunia,Me utörö zogömi-gömi ba hagania,+
4 Me abölö nasa ndraʼo,Me fahuwu ndraʼo khö Lowalangi ba so ia ba nosegu,+
5 Me fao khögu Wondrege Zabölö andrö,Me so ndraonogu* ba zingagu,
6 Me usasai gahegu faoma susu,Ba lö aetu ibeʼe khögu wanikha andrö hili sokara.+
7 Me asese möido ba mbawa göli mbanua+Ba modadao ndraʼo ba golayama,+
8 Na laʼila ndraʼo ira si bohou ebua, labiniʼö ira*Maoso niha sagatua ba mozizio ira.+
9 Ataʼu fahuhuo ndra sondröniaʼö;Laduhö mbawara.
10 Lö terongo li niha si tehöngö.
Falemba lelara ba gararora.
11 Gofu haniha zamondrongo yaʼo, ba lasuno ndraʼo,Ba niha sangila yaʼo, lafaduhuʼö waʼasökhi dödögu.
12 Börö me uʼorifi niha si numana siʼao ba wangandrö tolo,+Simanö göi ndraono si lö ama ba gofu haniha zi lö sanolo.+
13 Lafahowuʼö ndraʼo ira niha sarakhagö mate andrö,+Ba omuso dödö lakha mbanua ubeʼe.+
14 Uʼonukha waʼasökhi dödö;Ba faʼatulögu hulö mbaru sebua hegöi böbö högö.
15 Hörö ndraʼo ba niha sauʼaBa ahe ndraʼo ba niha sakela-kela.
16 Ama ndraʼo ba niha si numana.+
Utolo niha si lö faʼila khögu enaʼö isöndra waʼatulö.+
17 Ufatö zimbi niha samalua si lö sökhi+Ba uheta ba mbawania gahulua si no iʼusu.
18 Umane mböröta, ’Ba nomogu mate ndraʼo,+Ba simane faʼoya gawu waʼoya ngaluogu.
19 Manana misa waʼagu ba zoya idanö,Ba lö alö namo mbanua ba ndrahagu sagötö zi sara wongi.
20 Lö irai taya lakhömigu,Ba lö tebato dangagu wangefasi ono wana nifosinali.’
21 Lö laböhöli niha wamondrondrongo si fao fanötöna.
Lahonogö ira wombaloi mene-mene nifaʼemagu.+
22 Me no awai fahuhuo ndraʼo ba lö saʼae lanönö,Ba ami dödöra wamondrondrongo fehedegu.
23 Ladöna-döna ndraʼo simane na latötöna deu.
Omasi ira lafondrondrongo wehedegu simane na labaloi deu ba mbaŵa waʼokafu.+
24 Na maʼiki ndraʼo khöra ba lö faduhu dödöra.
Tefarou dödöra na laʼila ohahau mbawagu.*
25 Tobali sondröniaʼö ndraʼo khöra ba wameʼe fanuturu lala.
Hulö razo ndraʼo ba gotalua zaradadunia,+Simane niha sondrara tödö si no göna abula dödö.+
Nisura ba gahe zura
^ Sin.: ”gamaedolania”.
^ Mazui ”ndra sohalöwö”.
^ Mazui ”lafolala ndraʼo”.
^ Mazui te ”Lö mangerau mbawagu labeʼe”.
