Yobi 3:1-26
3 Ibörögö fahuhuo Yobi ba iʼelifi mbaŵa waʼatumbunia.+
2 Imane Yobi,
3 ”Enaʼö sibai lö irai so ngaluo waʼatumbugu,+Simanö göi zi bongi me so zangumaʼö, ’So ndraono sawena tumbu!’
4 Yaʼogömi-gömi ngaluo daʼö.
Yalöʼiʼameʼegö tödö ngaluo daʼö Lowalangi.
Yalöhadöi haga luo sohagaini yaʼia.
5 Yaʼifatörö ia fondrege waʼogömi-gömi.*
Yaʼahono yawania lawuo saitö.
Yaʼitölö hagania faʼogömi-gömi sataʼu niha.
6 Yaʼitölö zi bongi andrö faʼogömi-gömi.+
Yalöhadöi faʼomuso dödö ba ngaluo daʼö.
Yalöhadöi ngaluo daʼö gofu hadia mbaŵania.
7 Yalöhadöi niha si tumbu ba mbongi daʼö;Yalöterongo li waʼowua-wua dödö.
8 Yaʼiʼelifi mbongi daʼö niha sangelifi,Niha sanusugi Lewiata.*+
9 Yandrundrumö haga ndröfi na moluo.
Yaʼidöna-döna haga si lö irai tohare andrö si bongi,Ba lö irai iʼila haga luo.
10 Börö me lö iduhö naha nono ninagu,+Ba lö itimbagö ndraʼo moroi ba gabula dödö.
11 Hana wa lö mate manö ndraʼo ba dalu ninagu?
Hana wa lö aetu nosogu me tumbu ndraʼo?+
12 Hana wa itema ndraʼo inagu ba gahetania?
Ba hana wa ifaenu ndraʼo?
13 Na löʼö menaʼö, ba no ufadölö ndraʼo ba waʼahono dödö,+No mörödo ba lö sametaʼu yaʼo.+
14 Fao ndraʼo khö ndra razo ba gulidanö awö zanuturu lala khöra,Samazökhi nahiara si no tobali akhökhöla iadaʼa,*
15 Mazui khö ndra sondröniaʼö* sebua anaʼa,Ba si no afönu nomora firö.
16 Mazui hana wa tenga simane ono sadudu ba dalu ndraʼo si lö muʼila,Simane iraono si lö irai mangila haga?
17 Lö saʼae alangu dödö niha si lö sökhi ba lewatö;Ba daʼö molombase niha serege tödö.+
18 Ba daʼö ohahau dödö niha nikuru fefu.
Lö larongo wehede niha samaso yaʼira ba wohalöwö.
19 Lö hadöi oroma ba daʼö gamaehuta niha si kayo ba si numana,+Ba teʼefaʼö zawuyu khö zokhö yaʼia.
20 Hana wa itehegö Lowalangi auri niha si tosasa,*Ba hana wa ibeʼe waʼauri ba niha nifakao?+
21 Hana wa lö alua mate niha somasi mangandrö faʼamate,+Hewaʼae laʼalui lala enaʼö mate ira töra moroi ba wangalui harato si tobini?
22 Owua-wua sibai dödöraBa omuso dödöra me lasöndra lewatö.
23 Hana wa itehegö Lowalangi auri niha* si lö tatu töröwa,Niha si no ifaʼuʼu?+
24 Tobali salahi gögu wangarö-ngarö,+Ba mangele dawa hörögu+ wege-ege simane idanö.
25 Börö me alua khögu zataʼu ndraʼo;Ba göna ndraʼo si hokha mbugu.
26 Lö urasoi waʼatulö, folombase ba faʼahono dödö,Lö manö aetu-aetu gabula dödögu.”
Nisura ba gahe zura
^ Mazui ”faʼogömi-gömi hegöi lumö-lumö waʼamate”.
^ Te buaya mazui urifö sebua sabölö ba sauri ba nidanö.
^ Mazui te ”samazökhi khönia nahia si no muröi iadaʼa”.
^ Mazui ”sohalöwö sebua faka”.
^ Sin.: ”ibeʼe haga Lowalangi ba niha si göna famakao”.
^ Sin.: ”ibeʼe Lowalangi haga ba niha”.
