Yobi 30:1-31
30 ”Iadaʼa, laʼigi-igiʼö ndraʼo+Niha sabölö awuyu-wuyu moroi khögu,Hewaʼae na moloʼö yaʼo, tenga sinangea fao namaraBa nasu sozago urifögu.
2 Lö moguna khögu waʼabölöra.
No ahori waʼabölöra.
3 Atage ira börö waʼanumana ba faʼolofo.
Langanga-nganga dambu soköli,Si no tekiko ba si no muröi.
4 Laʼowuloi mbulu lehu sazi-azi ba gotalua ndruʼu sodoi.
Waʼa daʼuli mbalazora.
5 Lafofanö ira moroi ba gotalua niha mbanua.+
Niha siʼao khöra simane na muʼao ba nemali.
6 Ba zinga mbaho toröi ira,Ba dögi narö danö hegöi ba narö hili.
7 Muʼao ira moroi ba gotalua ndruʼu sodoiBa lafasösö ira ba gotalua lato.
8 Ngaʼötö niha si bodo ira ba si lö moguna,Irege lafofanö ira ba soira.
9 Hizaʼi laʼoʼaya ndraʼo iadaʼa ba zinunöra.+
Tobali tandrösa wangoʼayara* ndraʼo.+
10 Anuzu dödöra ndraʼo ba lö lahatöʼö ira khögu.+
Lö alawö ira wodiloi bawagu.+
11 Lö faʼabölögu ibeʼe* Lowalangi ba no ihöndrögö ndraʼo,Lalau ba hulugu fefu zalua.*
12 Laʼosaraʼö dödöra wanuwö yaʼo moroi ba gambölö.
Ba moloi ndraʼo.
Labeʼe mbaʼa-baʼa si möi famunu ba lala nitörögu.
13 Lafakiko lalaguBa lanönö wamakao si göna khögu.+
Lö sanaha* yaʼira.
14 Tohare ira hulö zanörö towa si no atöla.
Lasuwö zi no tekiko.
15 Ihawui ndraʼo faʼataʼu.
Taya lakhömigu hulö niwuwusi nangi.
Taya wanötönagu ba wangorifi, numalö misa hulö lawuo.
16 No so ndraʼo iadaʼa ba mbawandruhö waʼamate.+
Tefakao ndraʼo ero maʼökhö.+
17 Ifahö-fahö dölagu feʼötö-ötö* ba zi bongi.+
Lö ibato wamakao yaʼo faʼokolingö andrö.+
18 Asika nukhagu* börö waʼabölö sebua*Tolazi mbagigu simane töla mbagi mbaru salözö.
19 No ifazaumba ndraʼo Lowalangi ba daimba;Ibaliʼö ndraʼo awu hegöi gawu-gawu.
20 Moʼira ndraʼo ba wangandrö tolo, hizaʼi lö hede-hedemö;+Mozizio ndraʼo, hizaʼi ha öfaigi-faigi manö.
21 Ösuwö ndraʼo lö faʼahakhö dödö.+
Öhorigö waʼabölöu wamözi yaʼo faoma tangamö.
22 Öfazawa ba öfehombo ndraʼo ba nangi.
Aefa daʼö, öfanari-nari wamazaumba yaʼo ba mbade.*
23 Aboto sibai ba dödögu wa öʼohe ndraʼo ba waʼamate,Ba nomo niha fefu niʼowuloi yaʼira dania ba gafuriata.
24 Hizaʼi, lö somasi mamözi niha si lö faʼabölö*+Me muʼao ia ba wangandrö tolo börö wamakao si göna khönia.
25 Hadia lö niʼeʼesigu niha si tosasa mböröta?
Hadia lö abu dödögu mböröta börö niha si numana?+
26 Udöna-döna zi sökhi, hizaʼi si lö sökhi zalua.
Udöna-döna haga, hizaʼi faʼogömi-gömi zalua.
27 Lö tebato weʼugu-ugu dödögu.
Falukha ndraʼo ngaluo safönu famakao.
28 Mowaö-waö ndraʼo ba no ufangerau mbawa.+ Lö hadöi haga luo.
Mozizio ba muʼao ndraʼo ba gotalua niha ba wangandrö tolo.
29 Tobali ndraʼo talifusö nasu gatuaBa awögu wofo gondra.+
30 Aitö guligu ba agaboʼa.+
Aukhu dölagu börö wökhö.*
31 Ha ba waʼabu dödö teʼogunaʼö harafagu,Ba surunegu ba weʼe.
Nisura ba gahe zura
^ Mazui ”gamaedolara”.
^ Sin.: ”No ilulu tali wana sinali khögu”.
^ Mazui ”Laheta wesura fönagu”.
^ Mazui te ”sanolo”.
^ Sin.: ”Itögi dölagu irege atöla fatambai”.
^ Te eluahania uli Yobi.
^ Mazui te ”Abölö-bölö wamakao si göna khögu irege lö moadu ndraʼo”.
^ Mazui te ”öfakiko ndraʼo ba li sebua sibai”.
^ Sin.: ”mamözi adudula”.
^ Mazui ”wogikhi”.
