Yobi 31:1-40
31 ”No uhalö gangetula,*+Wa lö ulekeʼö nono alawe si fao fangisö.+
2 Na ufalua daʼö, hadia zi tola ibeʼe khögu Lowalangi si so ba zorugo,Mazui hadia nitemagu moroi khö Wondrege Zabölö si so si yawa?
3 Göna abula dödö zamalua si lö sökhi,Ba göna famakao niha somasi mamakao awönia.+
4 Hadia lö iʼila nifaluagu+Ba lö anehe ia hezo möi ndraʼo?
5 Hadia no irai falimo ndraʼo?
Hadia no irai ulimo niha?+
6 Akha Lowalangi zanuʼa yaʼo ba zuʼa-suʼa si tefaudu,+Enaʼö iʼila waʼalöfaröigu.+
7 Na uholeʼö ndraʼo moroi ba lala satulö,+Mazui na iʼoʼö manö tödögu fefu niʼila hörögu,+Mazui na taʼunö dangagu,
8 Akha niha böʼö zi manga tanömö zinanö nifazawiligu,+Ba akha ladöni zi no utanö.*
9 Na adöni dödögu khö zi samösa ira alawe,+Ba na utarogö+ enaʼö möi khögu woʼomo nawögu,
10 Yatobali sogili gandru woʼomogu ba ndra matua böʼö,Ba ira matua böʼö zohoröni yaʼia.+
11 Eluahania daʼö no ufalua gamuata si möi fangaila,Olalöwa sinangea muʼohe föna zanguhuku.+
12 Hulö simane alitö si manga ba samakiko,+Sangohori fefu halöwö dangagu.
13 Na lö ufalua zatulö khö zawuyugu ira matua hegöi ira alaweBa ginötö mangarö ira* khögu,
14 Hadia zi tola ufalua na uʼondrasi* Lowalangi?
Hadia ubeʼe fanema li ba ginötö ihuku ndraʼo?+
15 Hadia tenga fagölö göi zomböi yaʼaga ba dalu ninama?+
Hadia tenga yaʼia zomböi yaʼaga fatua lö tumbu?*+
16 Hadia no irai uʼosiwawöi zomasi niha si numana+Mazui abu dödö lakha mbanua ubeʼe irege gambu guli hörönia?*+
17 Hadia no irai uʼa gögu ha yaʼoBa lö ubeʼe ösa ba zi lö ama si lö ina?+
18 (Iʼotarai ono matua ndraʼo, no uʼebuaʼö nono daʼö amaedola namania ndraʼo,Ba iʼotarai me ide-ide ndraʼo,* lö uböhöli wanolo lakha mbanua andrö);
19 Hadia no irai uʼila niha sarakhagö mate ba waʼoʼafu börö me lö nukha,Mazui niha si numana si lö hadöi balu-balu nösinia?+
20 Lö tebulö ubeʼe khöra nukha nifazökhi moroi ba mbu mbiri-biri khögu,Enaʼö tola laʼaukhuni mbotora ba lafahowuʼö ndraʼo.+
21 Hadia no irai ufangaha dangagu ba wametaʼu si lö ama si lö ina+Na moguna khönia wanolo* ba mbawa göli mbanua?+
22 Na no irai, akha adeha daʼiogu* moroi ba galisigu,Ba akha lafatö daʼö moroi ba dalinga ziʼugu.
23 Börö me ataʼu* ndraʼo wamakao si otarai Lowalangi,Ba tebai mosindrodo föna lakhöminia.
24 Hadia no irai manötöna ndraʼo ba ganaʼa,Mazui umane ba ganaʼa si sökhi, ’Yaʼugö zabeʼe dödögu’?+
25 Hadia no irai uhöni waʼakayogu+Börö me oya haratogu?+
26 Hadia no irai ufaigi haga luo,Mazui faʼasökhi mbaŵa na itörö lalania,+
27 Ba ibörögö adöni dödöguIrege uʼago dangagu ba uʼoroʼö khönia ba wamosumange yaʼia?+
28 Na no irai, daʼö zala sinangea muʼohe föna ndra sanguhuku,Börö me no uʼosilöʼögö Lowalangi sindruhu ba zorugo.
29 Hadia no irai omuso-muso dödögu me tehori zi faʼudu khögu+Mazui maʼiki-iki ndraʼo börö me alua khönia zi lö sökhi?
30 Lö irai utehegö ba mbewegu wamalua horö.
Lö irai uʼelifi zi faʼudu khögu enaʼö mate ia.+
31 Hadia tenga lamane ira niha si toröi khögu,’Haniha zi lö irai abuso me ibeʼe gönia* Yobi?’+
32 Lö hadöi niha si fatewu nifemörögu ba golayama.+
Ba lö irai ukusi mbawandruhö nomogu ba niha sikoli.
33 Hadia no irai ubiniʼö golalöwagu simane niha böʼö,+Ba ubiniʼö zalagu ba nono mbarugu?
34 Hadia no irai aombö dödögu ba wehede niha,Mazui ataʼudo na fatuwu khögu nösi nomo tanö böʼö,Irege lö hede-hedegu ba uhonogö manö ndraʼo yomo ba nomo?
35 Enaʼö na so zamondrongo fehedegu!+
Ulau fahölu wa atulö fefu niwaʼögu.
Yaʼibeʼe khögu wanema li Fondrege Zabölö!+
Enaʼö na no lasura ba garate ira samobahulu yaʼo niböbögöra khögu!
36 Hasambalö ubeʼe ba hulugu si fao faʼomuso dödö,Ba uböbö ba högögu simane takula.
37 Uʼombakhaʼö khönia fefu ngawalö nifaluagu.
Uʼondrasi ia si fao faʼafaduhu dödö, simane si samösa sondröniaʼö.
38 Na mangarö-ngarö danögu börö ndraʼo,Ba meʼe ia awö gowotonia si no mufaku;
39 Ba na uʼa manö mbuania lö böli,+Mazui ubusi dödö zokhö yaʼia;+
40 Yatenga gandru zi tumbu khögu, hizaʼi duʼu sodoi,Ba tenga barli, hizaʼi duʼu saböu oboula.”
Awai wehede Yobi ba daʼa.
Nisura ba gahe zura
^ Sin.: ”No fawuʼu li ndraʼo ba hörögu”.
^ Mazui ”akha lahori ngaʼötögu”.
^ Mazui ”so gamadöniwara”.
^ Sin.: ”na mosindro”.
^ Sin.: ”me so ba dalu”.
^ Sin.: ”irege lö iʼila niha saʼae”.
^ Sin.: ”me so ndraʼo ba dalu ninagu”.
^ Mazui te ”Na uʼila so niha si faʼawö khögu?”
^ Mazui ”haru-harugu”.
^ Mazui ”manizi”.
^ Sin.: ”ibeʼe ndriwonia”.
