Yobi 32:1-22
32 Börö daʼö, lö saʼae ladema-dema ira matua si datölu andre börö me faduhu dödö Yobi wa lö fasala ia ba wamaiginia.+
2 Hizaʼi mofönu sibai Gelihu ono Mbarakheli, niha Mbusi+ andrö moroi ba nösi nomo Rama. Mofönu ia khö Yobi börö me iforege wanutunö wa yaʼia zatulö, tenga Lowalangi.+
3 Mofönu sibai ia göi khö nawö Yobi si datölu börö me lö laʼila labeʼe wanema li, ba lafaduhuʼö wa lö sökhi Lowalangi.+
4 Omasi Gelihu wameʼe fanema li khö Yobi, hizaʼi ibaloi börö me siaʼa ira moroi khönia.+
5 Ba mofönu sibai Gelihu me iʼila lö saʼae hede-hede ndra matua si datölu andrö.
6 Imane Elihu ono Mbarakheli niha Mbusi andrö,
”Awuyu nasa ndraʼoBa no alawa ndröfimi.+
Andrö wa ufosumange ami ba utaha dödögu.+
Ataʼudo wamaʼema hadia niʼilagu.
7 Umane tödögu, ’Akha satua zi fahuhuo,Ba akha niha si no alawa döfi zangombakha faʼatua-tua.’
8 Hizaʼi eheha niʼamoniʼö nibeʼe Lowalangi ba niha, hanu-hanu moroi khö Wondrege Zabölö,Daʼö zameʼe khöra faʼaboto ba dödö.+
9 Lö tatu na atua-tua niha si no alawa döfi,Ba tenga ha satua zangila sindruhu.+
10 Andrö umane, ’Fondrondrongo wehedegu.
Ufaʼema göi hadia niʼilagu.’
11 No ubaloi irege awai fahuhuo ami.
Gasa-gasa woʼangeragömi fehede sinangea miwaʼö,+Lö uböhöli wamondrondrongo bua gera-erami.+
12 Uhaogö wamaigi-maigi yaʼami.
Hizaʼi samösa lö ba gotaluami si tola mamaduhuʼö wa fasala* Yobi,Mazui miʼila mitema linia.
13 Andrö böi miwaʼö, ’Atua-tua ndraʼaga.
Lowalangi zamaduhuʼö wa fasala ia, tenga niha.’
14 Tenga khögu manandrösa wehede Yobi,Andrö wa faböʼö wanemagu li Yobi moroi khömi.
15 No marase ira. Lö laʼila labeʼe wanema li.
Lö hadöi saʼae si tola lawaʼö.
16 Ubalo-baloi, hizaʼi lö fahuhuo ira.
No mozizio manö ira, ba lö fanema li.
17 Daʼö mbörö wa ubeʼe wanema li.
Ufaʼema göi hadia niʼilagu,
18 Börö me oya zinangea uwaʼö.
Ifarou ndraʼo eheha Lowalangi si so bakha ba dödögu.
19 Hulö nagu niʼiröʼö ndraʼo ba naha* si no muhaogö mubalugö,Hulö naha si bohou si lö ara tö aboto.+
20 Tehegö khögu fahuhuo enaʼö ahono dödögu.
Ubokai mbawagu ba utema li.
21 Lö faʼawö dambai ndraʼo gofu haʼökhö.+
Ba lö uzuno-zuno* gofu haniha.
22 Börö me lö onekhedo wozuno-zuno niha.
Na uʼila, iʼanemaiʼö ihori ndraʼo Somböi yaʼo.
Nisura ba gahe zura
^ Mazui ”si tola manegu”.
^ Nifazökhi moroi ba guli gurifö.
^ Mazui ”lö ubeʼe döi ba faka ba wamosumange”.
