Yobi 33:1-33
33 ”He Yobi, fondrondrongo wehedegu iadaʼa.
Fondrondrongo fefu niwaʼögu.
2 Hiza, ubokai mbawagu.
Fahuhuo lelagu.
3 Ba wehedegu oroma wa lö ba dödögu falimosa,+Ba soroi ba dödögu wehede mbewegu ba wamatunö si no uʼila.
4 Eheha Lowalangi zomböi yaʼo,+Ba börö hanu-hanu Wondrege Zabölö wa auri ndraʼo.+
5 Tema ligu na tola ötema.
Faʼema wanemau li. Henaigö wabuʼasamö.
6 Fagölö ndraʼo khöu föna Lowalangi sindruhu.
Moroi ba dambu laʼuri göi tewöwöi ndraʼo.+
7 Börö daʼö, lö moguna ataʼu ndraʼugö khögu,Ba böi tobali noro dödöu wehedegu.
8 No urongo me mohedeʼö,Atulö, lö aetu ufondrondrongo wehede daʼa:
9 ’Ohau-hau ndraʼo, lö olalöwagu;+Lö mosinegu ndraʼo ba lö salagu.+
10 Hizaʼi so mbörö wa isuwö ndraʼo Lowalangi.
Ibaliʼö ndraʼo si faʼudu khönia.+
11 Ikalo gahegu,Ihörö-hörögö gofu hezo möi ndraʼo.’+
12 Hizaʼi, lö atulö niwaʼömö andrö. Daʼa niwaʼögu:
Abölö tohude nasa Lowalangi moroi ba niha.+
13 Hana wa mukökö-kökö ndraʼugö khönia?+
Hadia börö me lö idema-dema limö?+
14 No hauga kali fahuhuo Lowalangi,Ba lö sameʼe börö dalingania,
15 Ba wangifi, ba gangilata ba zi bongi,+Ba ginötö wemörö sabölö-bölöMe mörö ira ba farate.
16 Ba ibokai dalingara,+Awena ibeʼe* goroisania ba dödöra,
17 Enaʼö laʼaröuʼö ira ba wamalua sala,+Faböi fayawa ira.+
18 No iʼefaʼö nosonia Lowalangi ba mbawa lewatö.+
Irorogö waʼaurinia enaʼö lö mate ia ba wöda.
19 Awena aboto ba dödö niha zala nifaluania na mofökhö ia,Ba ginötö moʼötö-ötö dölania,
20 Irege fatuwu khönia* gö,Ba lö omasi ia gö sami.+
21 Itugu ahori nagolenia,Ba ibörögö oroma dölania iadaʼa.
22 Itugu ahatö nosonia ba mbawa lewatö,Ba fahatö nosonia ba niha sedöna mamunu yaʼia.
23 Na so malaʼika nifatenge khönia ba wahuhuosa,Yaʼia daʼö samösa moroi ba gotalua zi saribu,Ba wangombakha khönia sindruhu,
24 Ba ihakhösi tödö ia Lowalangi imane,’Böi tehegö möi ia ba mbawa lewatö!+
No utema höli!+
25 Akha ifuli mangawuli waʼabölönia töra moroi me ono matua ia;+Ba ifuli zui abeʼe nösinia simane me awuyu-wuyu ia.’+
26 Iʼandrö wanolo khö Lowalangi,+ ba itema ia Lowalangi;Ifaigi mbawa Lowalangi si fao faʼomuso dödö,Ba awena ifuli atulö niha ba wamaigi Lowalangi.
27 Imane* niha daʼö ba niha sato,’No ufalua horö+ ba no ufuyuʼö zindruhu,Hizaʼi lö lahuku ndraʼo.*
28 No ihöli nosogu irege lö labeʼe ndraʼo ba lewatö.+
Lö si mate ndraʼo.’
29 Atulö, Lowalangi zamalua daʼa fefuNo hauga kali ifalua börö zi samösa niha,
30 Ba wangefaʼö yaʼia moroi ba mbawa lewatö,Enaʼö tola ihagaini ia haga waʼauri.+
31 He Yobi, ameʼegö tödö! Fondrondrongo wehedegu!
Honogöʼö, ba lö uböhöli fahuhuo.
32 Na so zomasiʼö öwaʼö, fahede khögu.
Fahuhuo, börö me omasido na oroma wa atulö ndraʼugö.
33 Na lö hadöi, fondrondrongo wehedegu.
Honogöʼö, ba ufahaʼö ndraʼugö ba waʼatua-tua.”
Nisura ba gahe zura
^ Sin.: ”ifotandro”.
^ Sin.: ”ba waʼaurinia”.
^ Sin.: ”Manunö”.
^ Mazui te ”lö usöndra hare”.
