Yobi 34:1-37
34 Itohugö fahuhuo Elihu,
2 ”Mifondrondrongo wehedegu yaʼami sagatua-tua.
Mifondrondrongo niwaʼögu yaʼami sogonekhe.
3 Börö me talinga zotandra fehedeSimane lela* na itandra waʼami gö.
4 Datahaogö taʼangeragö hezo zatulö.
Ba tatatugöi hezo zi sökhi.
5 No imane Yobi, ’Atulö ndraʼodo,+Hizaʼi lö ifatörö khögu zatulö Lowalangi.+
6 Hadia ulau falimo ba umane wa sinangea göna ndraʼo fanguhuku?
Tebai mufadöhö zokhogu hewaʼae na lö hadöi olalöwa nifaluagu.’+
7 Haniha zi fagölö simane Yobi,Sanölö fangoʼaya simane niha samadu idanö?
8 Fahuwu ia ba niha si lö sökhiBa fariawö ia ba niha safaito.+
9 Imane, ’Lö hadöi hareBa wangomusoiʼö tödö Lowalangi.’+
10 Börö daʼö, yaʼami niha si so faʼaboto ba dödö, mifondrondrongo niwaʼögu.
Lö duhu wa ifalua zi lö sökhi Lowalangi sindruhu,+Ba lö ifalua zala Fondrege Zabölö!+
11 Isulöni nifalua niha moloʼö amuatara zamösana+Ba latema zulö nifaluara.
12 Sindruhu wa lö ifalua zi lö sökhi Lowalangi,+Ba lö ifuyuʼö zatulö Fondrege Zabölö.+
13 Haniha zangoʼou Lowalangi ba wondrorogö ulidanö,Ba haniha zamataro yaʼia ba wamatörö ulidanö maʼasagörö?
14 Na ilawa niha,Ba ihalö noso awö hanu-hanura,+
15 Ahori mate fefu nihaBa mangawuli ira ba gawu-gawu.+
16 Andrö, na so khöu waʼaboto ba dödö, ameʼegö tödö daʼa.
Haogö wamondrondrongo fehedegu.
17 Hadia tola mamatörö niha si fatuwu ba zatulö?
Mazui öʼoʼaya zamatörö satulö?
18 Hadia ömane khö zi samösa razo, ’Lö moguna ndraʼugö’?
Mazui khö ndra tuhenöri, ’Niha si lö sökhi ndraʼugö’?+
19 Lö ebua dödö zambuana Lowalangi khö ndra sondröniaʼöBa lö abölö iʼomasiʼö niha si kayo moroi ba niha si numana,*+Börö me omböila dangania fefu ira.+
20 Tola manö mate ira ba zi lö arara+ ba zi talu mbongi.+
Manizi-nizi ira aefa daʼö mate.
Iheta niha samatörö hizaʼi tenga faʼabölö danga niha.+
21 Börö me anehe Lowalangi fefu nifalua niha,+Ba iʼila fefu nifaluara.
22 Tebai ibiniʼö ia niha si no mamalua sala+Bakha ba zogömi-gömi mazui ba lumö zi bongi.
23 Lö nitatugöi Lowalangi ginötö ba zi samösa nihaBa wangondrasi yaʼia hegöi ba wanema fanguhukunia.
24 Ifufu ndra samatörö he na lö nisekhegönia,Ba ifataro wangali.+
25 Börö me aboto ba dödönia nifaluara.+
Itimbagö ira ba zi bongi, ba ifakiko.+
26 Börö waʼalösökhira, andrö wa ibözi iraFöna niha sato,+
27 Börö me lö saʼae laʼoʼö ia,+Ba sindruhu-ndruhu lö laʼameʼegö tödö lalania.+
28 Börö ira wa mangarö-ngarö niha si numana khö Lowalangi.
Andrö wa ifondrondrongo weʼao niha si lö faʼabölö.+
29 Na lö hede-hede Lowalangi, haniha zi tola mofönu khönia?
Ba na ibiniʼö mbawania, hadia so zi tola mangila yaʼia?
He na ifalua daʼö ba zi sambua soi mazui ba zi samösa niha, fagölö manö lua-luania.
30 Lö itehegö mamatörö niha si lö faʼaboto ba dödö Lowalangi,*+Yaʼia daʼö niha sedöna mamaʼala awönia.
31 Ömane khö Lowalangi,’Tehuku ndraʼo hewaʼae na lö nifaluagu sala.+
32 Fatunö khögu hadia zi lö aboto ba dödögu.
Na no ufalua zala, ba uböhöli saʼae.’
33 Hadia ibeʼe khöu wangali moloʼö somasi ndraʼugö börö me lö fao dödöu khönia?
Yaʼugö zameʼe fanema li, tenga yaʼo.
Börö daʼö, fatunö khögu hadia niʼilamö.
34 Niha si so faʼaboto ba dödö,Ba niha si so faʼatua-tua lafondrondrongo niwaʼögu ba lamane,
35 ’Fahuhuo Yobi tenga börö waʼatua-tua,+Ba mohede ia tenga börö waʼaboto ba dödö.’
36 Yaʼabölö-bölö* wanandraigö nibeʼe khö Yobi,Börö me hulö niha si lö sökhi ia wameʼe fanema li!
37 Baero nasa horö nifaluania ba mamadaö ia.+
Ibözi fönama dawo-tawo fangoʼayaBa oya sibai mbewenia ba wolawa Lowalangi sindruhu!”+
Nisura ba gahe zura
^ Sin.: ”araro”.
^ Mazui ”duhenöri moroi ba niha si lö faʼabölö”.
^ Mazui ”niha sondröi sindruhu”.
^ Mazui te ”He Amagu, yaʼabölö-bölö”.
