Yobi 35:1-16
35 Itohugö wehedenia Elihu,
2 ”Hadia faduhu dödöu wa atulö ndraʼugö, irege ömane,’Atulö ndraʼo moroi khö Lowalangi’?+
3 Ömane, ’Hadia gunania daʼa?*
Hadia abölö sökhi ndraʼo na ufalua horö?’+
4 Ubeʼe khöu wanema liSimanö göi ba zi fahuwu+ khöu.
5 Faigi dalu mbanua ba fakhölöʼö.
Nehegö lawuo+ andrö si no alawa moroi khöu.
6 Na öfalua horö, hadia yaʼia zi rugi?+
Na oya golalöwau, hadia so lua-luania khönia?+
7 Na öfalua zatulö, hadia gunania khönia?
Hadia mohare ia ba daʼö?+
8 Ha ba niha simane yaʼugö göna lua-lua waʼalösökhimö,Ba amuata si sökhi nifaluamö ha niha gulidanö zorasoi.
9 Oi zara mangarö-ngarö niha na göna ira famakao.
Muʼao ira ba wangandrö fangefa ba gokhö* niha sebua kuaso.+
10 Hizaʼi lö sangumaʼö, ’Aine dataʼalui Lowalangi, Somböi yaʼita Sebua Lakhömi,+Samanunö yaʼita ba zi bongi.’+
11 Tohude wamahaʼönia yaʼita+ moroi ba gurifö,+Ba abölö atua-tua ita ibeʼe moroi ba wofo ba dalu mbanua,
12 Oi zara muʼao niha, hizaʼi lö idema-dema,+Börö wayawasa niha si lö sökhi.+
13 Lö duhu ifondrondrongo Lowalangi weʼao niha na tenga soroi ba dödö.*+
Lö iʼameʼegö tödö ia Fondrege Zabölö.
14 Mendrua manö na ölau mukökö-kökö wa lö iʼameʼegö tödö ndraʼugö!+
No so fönania gamadöniwamö andrö. Börö daʼö, baloi ia.+
15 Börö me lö mofönu ia ba lö ihuku ndraʼugö,Ba lö iʼameʼegö tödö wehedeu si lö sökhi.+
16 Zaya-zaya gölö Yobi wamokai bawania.
Oya wehedenia si lö faʼaboto ba dödö.”+