Yobi 36:1-33
-
Ifaduhu’ö Elihu wa’abölö Lowalangi (1-33)
36 Itohugö huhuonia Elihu,
2 ”Taha dödöu sabata gasa-gasa wahuhuosagu,Börö me so nasa zomasido ufaʼema ba wosalahini Lowalangi.
3 Ufatunö fefu hadia niʼilagu,Ba ufaduhuʼö wa sindruhu Zomböi yaʼo.+
4 Sindruhu-ndruhu wa lö fasala wehedegu.
Fefu daʼa moroi khö Lowalangi, sangokhögö faʼaboto ba dödö soʼahonoa.+
5 Abölö Lowalangi andrö+ ba lö iʼosiwawöi gofu haniha.
Ha yaʼia zangokhögö faʼaboto ba dödö si tebai lakhamö niha.
6 Lö ilumöʼö noso niha si lö sökhi,+Hizaʼi, ibeʼe waʼatulö ba niha si göna famakao.+
7 Lö iböhöli woʼameʼegö tödö niha satulö.+
Ifataro ira tobali razo*+ ba teʼalawaʼö ira sagötö faʼara.
8 Hizaʼi, na labeʼe khöra mbilaguBa fafali khöra zinali famakao,
9 Ifatunö khöra hadia zi no lafalua,Yaʼia daʼö olalöwa börö wayawasara.
10 Ifaʼema mene-mene ba dögi dalingaraBa ifarou ira enaʼö laböhöli wamalua sala.+
11 Na laʼoʼö ba lafosumange ia,Ohahau dödöra ba waʼauri sero maʼökhö,Ba omuso dödöra sandrohu faʼauri.+
12 Hizaʼi na lö laʼoʼö, ba tehori ira ba mbawa wöda,+Ba mate ira lö faʼaboto ba dödö.
13 Niha si lö faʼaboto ba dödö khö Lowalangi,* ihöna ba dödönia mbao dödö.
Lö muʼao ira wangandrö fanolo hewaʼae no iböbö ira.
14 Si mate ba waʼawuyu ira.+
Lö laböhöli wefao* khö ndra matua sohorö-horö ba gosali.+
15 Hizaʼi, Lowalangi zangefaʼö niha si göna famakao.
Ibeʼe khöra wanuturu lala ba ginötö göna ira famakao.
16 Iʼefaʼö ndraʼugö moroi ba wanandraigö+Ba iʼohe ndraʼugö ba danö sebolo si lö famakao.+
Labeʼe dania ba mezamö gö sami enaʼö terara dödöu.+
17 Ahono dania dödöu na öʼila wanguhuku si göna ba niha si lö sökhi,+Na muʼetuʼö wanguhuku ba mufalua waʼatulö.
18 Hizaʼi miʼangelama. Böi tehegö idönisi ndraʼugö bao dödöu irege fatuwu ndraʼugö khönia,*+Ba böi ifaelungu ndraʼugö sölö-sölö.
19 Hadia iʼefaʼö ndraʼugö moroi ba wamakaoFeʼaomö ba wangandrö fanolo mazui fefu zi no öforege?+
20 Böi döna-döna zi bongi,Ba ginötö mangawuli niha ba nahiara.
21 Böi fili wamalua sala,Börö me tebai ötaögö wamakao.+
22 Tefolakhömi Lowalangi börö waʼabölönia.
Hadia so zamahaʼö simane yaʼia?
23 Haniha zi tola mangombakha khönia sinangea ifalua?*+
Mazui sangumaʼö khönia, ’Fasala nifaluamö andrö’?+
24 Böi olifu ndraʼugö wamolakhömi nifaluania,+Nitötöi niha ba zinunö.+
25 No laʼila daʼö fefu niha gulidanö.
No laʼila moroi ba zaröu.
26 Atulö, abölö molakhömi Lowalangi moroi ba zi no aboto ba dödöda.+
Tebai muʼerai ndröfinia.+
27 Ifazawa ngawua nidanö.+
Owulo zau tobali teu.
28 Aefa daʼö, itorugö deu andrö moroi ba lawuo,+Ba aekhu ba niha.
29 Haniha zi tola mogamö faʼaboto ba dödö ngaʼörö lawuo,Hegöi ferata gari mbanua moroi ba nahiania?*+
30 Faigi, ifazawili gari mbanua*+ ba daʼö,Ba inönöi doyo nasi faoma idanö.
31 Iʼogunaʼö fefu daʼö ba wangorifi* niha.
Fahöna göra ibeʼe.+
32 No igokhöi gari mbanua ba danganiaBa ifaudugö ba zomasi ia.+
33 Gari mbanua andrö zamatunö sanandrösa khönia,Ba urifö zamatunö haniha* zi tohare.
Nisura ba gahe zura
^ Mazui te ”Ifataro ndra razo”.
^ Mazui ”Niha sondröi sindruhu”.
^ Mazui te ”Fao ira waʼamate”.
^ Mazui ”irege öbözi dawo-tawo si fao faʼafatuwu”.
^ Mazui te ”mangoʼaya nifaluania?”
^ Sin.: ”ba nosenia”.
^ Sin.: ”ifazawili haga”.
^ Mazui te ”ba wangoʼawögö amadöniwa”.
^ Mazui te ”hadia”.
