Yobi 37:1-24
37 ”Moʼugu-ugu dödöguBa abölö-bölö sibai molimba-limba dödögu.
2 Mifondrondrongo wendröndrö linia,Hegöi ugu-ugu si otarai mbawania.
3 Terongo daʼö fefu ba narö mbanua,Ba ifatenge gari mbanua+ irugi wondrege danö.
4 Aefa daʼö, so li soʼugu;Ifarongogö linia sebua andrö.+
Lö aetu gari mbanua me fahuhuo ia.
5 Sahöli-höli dödö me mohede Lowalangi.+
Ifalua ngawalö zahöli-höli dödö si lö aboto ba dödöda.+
6 Imane ba deu esi, ’Torugö ndraʼugö ba gulidanö,’+
Imane göi ba deu, ’Abölökö ndraʼugö.’+
7 Ibatogö fefu halöwö niha Lowalangi*Enaʼö aboto ba dödö niha niwöwöi dangania.
8 Möi gutu ndruʼu bakha ba naharaBa lö möi ira baero.
9 Tohare nangi sabölö-bölö moroi ba nahiania,+Ba fao waʼokafu-kafu ba nangi moroi yöu.+
10 Ba hanu-hanu Lowalangi, tola tewöwöi esi,+Ba tola baku nidanö sebolo.+
11 Ifönui lawuo faoma idanö.
Ifazawili misa gari mbanua+ ba lawuo.
12 Muzawa lawuo gofu hezo manö ifatenge ira.
Gofu hadia niwaʼönia+ ba lafalua ba zi sagörö ulidanö.
13 Iʼogunaʼö ira ba wamalua fanguhuku+ hegöi ba wombasöi tanö,Mazui ba wangoromaʼö faʼomasinia si lö faröi.+
14 He Yobi, fondrondrongo.
Honogö ndraʼugö ba haogö angeragö nifalua Lowalangi sahöli-höli dödö.+
15 Hadia öʼila hewisa wamatörö Lowalangi lawuo,Ba hewisa wamazökhinia gari mbanua moroi ba lawuo?
16 Hadia aboto ba dödöu hewisa na manahae lawuo?+
Daʼa fefu zahöli-höli dödö nifalua zangokhögö faʼaboto ba dödö soʼahonoa.+
17 Öʼila hadia mbörö wa aukhu nukhamöNa ahono gulidanö börö nangi moroi raya?+
18 Ibologö dalu mbanua+ hulö na ifazökhi zörömi moroi ba loga sabeʼe.
Hadia tola öfalua daʼö?
19 Fatunö khöma hadia zinangea mawaʼö khönia.
Lö maʼila mabeʼe wanema li börö me lö aboto ba dödöma.
20 Hadia moguna mufatunö khönia wa omasido fahuhuo?
Mazui so wehede sabölö moguna si lö tola löʼö ifondrondrongo?+
21 Na haumö mbanua ba lö oroma haga* ba niha,Irege tewuwusi nangi ba iʼoloiʼö lawuo,Awena ohahau dalu mbanua.
22 Oroma haga moroi yöu simane faʼatakile ganaʼa.
Sahöli-höli dödö lakhömi Lowalangi.+
23 Lö ikhamö fangera-ngerada Wondrege Zabölö andrö.+
No fahöna waʼabölönia.+
Fefu nifaluania, atulö+ ba sindruhu.+
24 Andrö, sinangea na laʼataʼufi ia niha,+Börö me lö omuso dödönia na so niha sangumaʼö atua-tua ia.”+
