Yobi 39:1-30
39 ”Hadia öʼila hawaʼara moʼono nambi hili?+
Hadia no irai öʼila na tumbu nono mböhö?+
2 Hadia no öʼerai hauga waŵa manabina ira?
Hadia öʼila hawaʼara tumbu nonora?
3 Laköröbui ira na moʼono,Ba lö saʼae larasoi waʼafökhö.
4 Monönö waʼebua ba faʼabölö nonora ba mbenua.
Mofanö ira ba lö mangawuli ira saʼae khö ninara.
5 Haniha zangefasi kalide gatua,+Ba haniha zanotoʼö böbö galide gatua?
6 Ufazökhi danö si mate tobali omoraBa tobali nahia waʼatoröira danö soʼasio.
7 Fatuwu ia ba mbanua si rami.
Lö ifondrondrongo weʼao niha samatenge yaʼia ba wohalöwö.
8 Iʼanöröi hili-hili,Ba wangalui benua soduʼu hegöi bulu ndruʼu.
9 Hadia omasi mangai halöwö khöu zawi si matua?+
Hadia omasi ia mörö ba gandra nifazökhimö?
10 Hadia tola öböbö faoma sinali zawi gatua si matuaBa wanguhundra tambu laza khöu?
11 Hadia öʼodaligö waʼabölönia sebuaBa öwaʼö khönia wamalua halöwö sabua?
12 Hadia öfaduhusi tödö ia ba wolohe yomo basitö khöu,Ba hadia möi ia iʼowuloi ba naha wamöbörö?
13 Ifangafo gafinia fofo ondra si fao faʼomuso dödö,Hizaʼi, hadia fagölö mbalö gafinia hegöi bunia ba dumbao?+
14 Ba danö iröi gadulonia fofo ondraBakha ba gawu-gawu iʼaukhuni.
15 Olifu ia wa so gahe si tola mamufu yaʼiaMazui so gutu ndruʼu si tola manguhundragö yaʼia.
16 Lö sökhi ia ba nononia, hulö na tenga ononia ira.+
Lö iʼameʼegö tödö waʼerege dödönia ba woʼono hulö na zaya-zaya gölö.
17 Lö ibeʼe khönia waʼatua-tua Lowalangi*Ba lö nibeʼe khönia waʼaboto ba dödö.
18 Hizaʼi, me ibologö ba ifangafo gafinia,Iʼoʼaya kudo awö zi fakudo.
19 Hadia yaʼugö zameʼe faʼabölö ba kudo?+
Ba hadia yaʼugö zangehaogö baginia faoma bu si sökhi?
20 Hadia tola öfanaoka ia simane tamo?
Ataʼu niha höfu-höfunia.+
21 Ifendröndrö-ndröndrö gahenia ba ndraso ba iʼabölökö wanaoka.+
Mofanö ia ba wasuwöta.+
22 Iʼoʼaya waʼataʼu ba lö manizi ia gofu haʼökhö.+
Lö awuwu ia ba mbawa wöda.
23 Moriti ba zingania naha wana zi fakudo.
Takile dohora.
24 Mohiʼa sibai dödönia wofanö ba wasuwöta.*
Lö ahono ia* me irongo li dorofe nifazökhi moroi ba dandru.
25 Me no mufoli dorofe nifazökhi moroi ba dandru, ba modele ia.
Iʼago-ago hua wasuwöta moroi ba zaröuIrongo-rongo weʼao ndra saradadu ba feʼira-ira ba wasuwöta.+
26 Hadia tola muhombo wötöBa ibologö gafinia tanö raya börö waʼaboto ba dödöu?
27 Hadia börö wehedemö wa muhombo moyo,+Ba nahia salawa ifazökhi gazuninia,+
28 Ba zinga mbaho mörö ia ba zi bongi,Ba toröi ia ba nahania saro ba hili so kara?
29 Moroi ba daʼö iʼalui gönia;+Ikhamö hörönia danö saröu.
30 Manisiö do nononia.
Gofu hezo so goboula, ba daʼö so ia.”+
Nisura ba gahe zura
^ Sin.: ”Olifu ia waʼatua-tua ibeʼe Lowalangi”.
^ Sin.: ”ba wanölö tanö”.
^ Mazui te ”Lö faduhu dödönia”.
