Yobi 4:1-21
4 Imane Elifasi+ niha Demano andrö,
2 ”Na so menaʼö zi fahuhuo khöu, hadia abao dödömö?
Lö utaha dödögu na lö uwaʼö.
3 Atulö wa ato niha si no öʼamenesi,Ba no öʼabeʼeʼö mböröta danga niha si no adada.
4 Börö wehedemö wa tola ifuli maoso niha si no alabu,Ba öʼabölöʼö niha sanizi-nizi balöduhi.
5 Iadaʼa, göna ndraʼugö famakao ba abu dödöu* ibeʼe.
Alua khöu daʼö, ba ide-ide dödöu.
6 Hadia tenga niha samosumange Lowalangi ndraʼugö? Hadia tenga daʼö mbörö waʼafaduhu dödöu?
Hadia tenga niha si lö faröi ndraʼugö?+ Hadia tenga daʼö zameʼe khöu fanötöna?
7 Angeragö atö: Hadia so niha si lö sala si göna faʼamate?
Hadia no irai tehori niha sadölö tödö?
8 Ndrege zi no uʼila, fagölö lua-lua nitema niha so era-era si lö sökhi*Hegöi niha sanaru abula dödö.
9 Tehori ira ba hanu-hanu Lowalangi,Ba mate ira ba hola-hola wönunia andrö.
10 Tola muʼao zingo, ba mangaha zingo sawuyu-wuyu,Ba tola manö afatö nifö zingo sabölö.
11 Tola mate zingo börö me lö hadöi önia,Ba muzawili nono zingo.
12 So nifaʼema khögu ba zi tobini,Ba fangöngö ba dalingagu zalua andrö.
13 Ba zi bongi, me hino wemörö niha,Utema gangilata samakao era-eragu.
14 Manizi ndraʼo börö waʼataʼu;Mogikhi dölagu.
15 So mboto eheha sanörö fönagu.
Ba mutaro börö mbu ndraʼo.
16 Lö ara, tebato mboto eheha andrö,Hizaʼi lö anehe ndraʼo zikhalania.
So lumö-lumö ba duduma hörögu.
Lö nini-nini, ba lö ara aefa daʼö so li nirongogu,
17 ’Hadia so maö niha sabölö atulö moroi khö Lowalangi?
Hadia abölö teʼamoniʼö niha moroi khö Zomböi yaʼia?’
18 Lö faduhu dödönia khö ndra enoninia,Ba iʼalui zala ndra malaʼikania,*
19 Mendrua manö yaʼira si toröi ba nomo nifazökhi moroi ba dambu laʼuri,Si no mubeʼe fondrasi ba dete gawu-gawu.+
Aoha sibai wamufu yaʼira simane hama!
20 Sauri ira na sihulö wongi, ba mate ira na bongi.
Tehori ira sagötö faʼara ba lö soʼameʼegö tödö.
21 Hulö nose sadudu ira si no mudöni sinali.
Mate manö ira ba lö faʼatua-tua.
Nisura ba gahe zura
^ Sin.: ”ba marase ndraʼugö”.
^ Mazui ”niha sanguhundra tambu laza faʼalösökhi”.
^ Mazui ”ndra tenge-tengenia”.
