Yobi 40:1-24
40 Imane zui Yehowa khö Yobi,
2 ”Hadia sinangea ba niha na iʼalui zala Wondrege Zabölö?+
Niha sameʼe fanegu khö Lowalangi yaʼibeʼe wanema li.”+
3 Aefa daʼö imane Yobi khö Yehowa,
4 ”Yaʼodo andre niha si lö karua.+
Hadia ubeʼe fanema limö?
Uduhö mbawagu faoma tangagu.+
5 No dua kali fahuhuo ndraʼo, tenga ha samuza.
Hizaʼi, lö ubeʼe wanema li mazui ufuli unönö wangumaʼö.”
6 Aefa daʼö imane Yehowa khö Yobi bakha ba dalu nangi sabölö-bölö,+
7 ”Faʼanö ndraʼugö simane ira matua.
Manofu ndraʼo khöu ba tema ligu.+
8 Hadia fabuʼa ndraʼugö ba waʼatulögu andrö?*
Mazui öʼoʼaya ndraʼo enaʼö oroma wa niha satulö ndraʼugö?+
9 Hadia simane faʼabölö daʼio Lowalangi sindruhu waʼabölö daʼiomö?+
Ba hadia moʼugu-ugu limö simane linia?+
10 Tandraigö faigi lakhömi hegöi faʼabölöu.
Onukha zumange ba faʼasalawamö.
11 Falua wönumö sabölö-bölö.
Faigi fefu niha sasiliyawa ba tuliʼö tou ira.
12 Faigi fefu niha sasiliyawa ba höndrögö ira.
Hundragö niha si lö sökhi ba nahiania.
13 Koʼo ira ba gawu-gawu.
Böbö ira ba zogömi-gömi.
14 Na tola öfalua daʼö, ufaduhuʼö* daniaWa tola iʼefaʼö ndraʼugö tangamö kambölö.
15 Nehegö atö Mbehemoti* niwöwöigu andrö simane me uwöwöi ndraʼugö.
Iʼa ndruʼu simane sawi.
16 Faigi waʼabölö gahenia,Hegöi faʼabeʼe goli-goli dalunia!
17 Abeʼe giʼonia simane töla geu eresi.
No fafali fefu nuo wahania.
18 Tölania simane pipa tembaga.
Ahenia simane siʼo siʼöli.
19 Yaʼia zi oföna sibai* niwöwöi Lowalangi.
Ha Somböi yaʼia zi tola mamunu yaʼia.
20 Hili zangaʼasogö balazonia.
Ba daʼö fawude-wude gutu ndruʼu.
21 Ifadölö ia ba narö geu sodoi,Ilumöʼö ia ba gotalua ndruʼu si so ba laza-laza.
22 Eu sodoi zolumöʼö yaʼia,Ba no ifasui ia töla poplar ba ndraso.
23 Na mokiba nungo nidanö ba lö ataʼu ia.
Ahono manö ia hewaʼae ihawui mbawania molö Nungo Nidanö Yoridano.+
24 Hadia so zi tola mondraʼu yaʼia moroi föna,Mazui lakhaigö ba nikhunia gai?*
Nisura ba gahe zura
^ Mazui ”Hadia lö moguna waʼatulögu andrö öbeʼe?”
^ Mazui ”usunoʼö”.
^ Te kudo nil.
^ Sin.: ”ziaʼa”.
^ Sin.: ”dandrawa”.
