Yobi 41:1-34
-
Itutunö Lowalangi hewisa wa’abölö Lewiata (1-34)
41 ”Hadia öʼila ögaini Lewiata,*+Mazui öfesu lelania faoma sinali?
2 Hadia öʼila öbeʼe zinali* ba nikhunia,Mazui öfada ba zimbinia khai-khai?*
3 Hadia mangandrö-ngandrö faʼahakhö dödö ia khöu,Mazui ihaogö-haogö khöu wahuhuosa?
4 Hadia fawuʼu li ia khöu,Irege tola öbaliʼö ia sawuyumö götö-götö waʼara?
5 Hadia ölau fawude khönia simane na fawudeʼö ba wofo,Mazui öböbö ia tobali mai-mai ndraonou alawe?
6 Hadia laʼöli ira sogale mazui lafamawa?
Hadia latatawi ba labagi-bagi khöra zamösana?
7 Hadia tola ötaruʼö doho ba gulinia,+Mazui öfahö högönia faoma toho giʼa?
8 Sakali öbabaya ia, ba lö olifu ndraʼugö hewisa wasöndratamö khönia,Ba löʼö saʼae öbabaya ia!
9 Zaya-zaya gölö na so niha sanötöna ba wokalaisi yaʼia.
Ba wamaigi yaʼia manö ba no ataʼu ndraʼugö.*
10 Samösa lö si barani ba wogadu yaʼia.
Na simanö, haniha zi barani ba wolawa yaʼo?+
11 Haniha zi oföna mameʼe khögu irege moʼömö ndraʼo ba wanulöni khönia?+
Okhötagu fefu zi so ba narö mbanua.+
12 Utohugö wanutunö sanandrösa ba goli-goli mbotonia,Sanandrösa ba waʼabölönia hegöi famazökhi botonia sahöli-höli dödö.
13 Haniha zi no irai mangeheta barunia sebua?
Haniha zomasi möi bakha ba mbawania si no teboka?
14 Haniha zi tola mamokai bawania sebua sibai?*
Ifönia andrö fasui ba no sataʼu niha.
15 No teʼoli huna-huna ba hulunia*No farege manö ba faoma fakhai ba nawönia.
16 Arege sibai huna-hunaniaIrege lö itörö angi gotalua.
17 Faoma no fahalö fefu,Oi fakhai ba tebai mufabali.
18 Na bahö ia ba oroma zohaga-haga,Hörönia hulö haga luo.
19 Kalua moroi ba mbawania haga,Kalua nono galitö.
20 Kalua zimbo moroi ba dögi nikhunia,Hulö dugawa nifoʼalitö.*
21 Hanu-hanunia andrö ifohola mbo galitöBa kalua hola-hola galitö ba mbawania.
22 Abeʼe sibai mbaginia.
Ataʼu fefu zangondrasi yaʼia.
23 Abeʼe sibai ngaʼörö guli dalunia,Simane ngaʼörö loga si tebai muboʼa.
24 Tödönia simane faʼabeʼe gara,Sindruhu, abeʼe simane kara wogili.
25 Ataʼu niha sabölö na mosindro ia.
Mukhölö danö ba niha samaigi na ifaligoi giʼonia.
26 Lö möna wöda ba wolawa yaʼia,Simanö göi doho, fana, ba fangöna tanö böʼö.+
27 Hulö döla wakhe khönia ziʼöli,Ba hulö geu somumu khönia tembaga.
28 Lö moloi ia ba nono wana.
Kara nibeʼe fanebunia hulö döla wakhe.
29 Siʼo famözi hulö döla wakhe wamaiginia,Ba maʼiki ia ba doho nibaliʼö fanebunia.
30 Atarö mbetuʼania hulö gakhökhöla mbowoa tanö saboto.
Ifadölö ia ba daimba hulö wafa wamöbörö.+
31 Ifoʼotu-otu nidanö sabakha hulö nirino ba mbowoa.
Mokiba nasi ibeʼe hulö wanikha somuhua ba kukusa.
32 Mogotu-gotu nidanö niʼolangisinia.
Hulö huwa gotu-otu nungo nidanö sabakha.
33 Lö si fagölö khönia ba gulidanö,Lö hadöi saliwa-liwa ba danö solawa yaʼia ba waʼabarani.
34 Itöngö fefu zi fayawa si fao fönu.
Yaʼia zabölö ba razo ba gotalua gurifö samuʼi.”
Nisura ba gahe zura
^ Te buaya.
^ Mazui ”zinanö kercut”.
^ Mazui ”ndroi”.
^ Mazui ”no alabuʼö”.
^ Sin.: ”bawandruhö mbawania”.
^ Mazui te ”Faʼabölönia yaʼia daʼö huna-hunania si no teʼoli”.
^ Mazui ”nifoʼalitö faoma sinanö kercut”.
