Yobi 42:1-17
42 Imane Yobi khö Yehowa,
2 ”Awena aboto ba dödögu iadaʼa wa tola öfalua fefu hadia ia,Ba lö zi lö öfalua zi no öʼera-era.+
3 Ömane, ’Haniha zi fahuhuo si lö faʼaboto ba dödö irege ibaʼagö gohitö dödögu enaʼö lö oroma?’+
Noa sa fahuhuo ndraʼo lö faʼaboto ba dödöSanandrösa ba ngawalö zi lö ikhamö tödögu, si lö uʼila.+
4 Ömane, ’Fondrondrongo, ba fahuhuo ndraʼo dania.
Manofu ndraʼo khöu ba tema ligu.’+
5 No irai irongo talingagu sanandrösa khöu,Ba iadaʼa, ba no iʼila hörögu.
6 Börö daʼö, ufuli uwuʼai wehedegu,+Mangesa ndraʼo ba gawu-gawu hegöi ba nawu.”+
7 Me no aefa iwaʼö daʼö Yehowa khö Yobi, imane Yehowa khö Gelifasi niha Demano andrö,
”Mofönu ndraʼo khöu hegöi khö ndra awöu si darua.+ Lö miwaʼö zindruhu sanandrösa khögu+ simane enonigu Yobi.
8 Iadaʼa, halö fitu ngaʼeu zawi si matua ba fitu ngaʼeu mbiri-biri si matua, aefa daʼö ondrasi genonigu Yobi ba beʼe zumange nitunu soguna khömi. Mangandrö dania genonigu Yobi salahimi+ ba hasambalö ufondrondrongo wangandrönia enaʼö lö tehuku ami börö waʼabodomi. Lö miwaʼö zindruhu sanandrösa khögu, tenga simane enonigu Yobi andrö ami.”
9 Börö daʼö, Elifasi niha Demano, Bilidado niha Zua, ba Sofari niha Naʼama, lafalua niwaʼö Yehowa. Ba ifondrondrongo wangandrö Yobi andrö Yehowa.
10 Me no mangandrö Yobi salahi ndra awönia,+ iheta Yehowa wamakao si göna khö Yobi+ ba ifangawuli waʼakayonia. Monönö waʼoya gokhötania ibeʼe Yehowa, dua winaeta moroi ba zilalö.+
11 Fefu dalifusönia matua hegöi talifusönia alawe, simanö göi fefu niha si fahuwu khönia mböröta,+ laʼondrasi ia ba nomo ba falulu manga ira. Laʼoromaʼö waʼahakhö dödö ba larara dödönia börö wamakao nitehegö Yehowa khönia. Oi zara labeʼe khönia sambua loga firö ba sara laeduru anaʼa.
12 Abölö oya howu-howu nibeʼe Yehowa khö Yobi gasa-gasa waʼaurinia moroi ba zilalö.+ So 14.000 ngaʼeu mbiri-birinia, 6.000 ngaʼeu gondra, 2.000 ngaʼeu zawi,* ba 1.000 ngaʼeu galide si alawe.+
13 Ifuli zui isöndra dafitu nono matua ba datölu nono alawe.+
14 Ifotöi nononia alawe siaʼa Yemima, numero dua Kasia, ba numero tölu Kerene-hafukha.
15 Ba zi sagörö soi daʼö, lö hadöi ono alawe simane faʼabaga-baga nono Yobi. Ibeʼe göi khöra amara gondröita simane nitema dalifusöra matua.
16 Aefa daʼö, 140 fakhe tö waʼanau noso Yobi nasa. Iʼila maʼuwunia irugi öfa ngaʼötö.
17 Ba gafuriata, mate Yobi me no irasoi waʼahono dödö ba waʼanau nosonia.
Nisura ba gahe zura
^ Sin.: ”1.000 fasa zawi”.
