Yobi 6:1-30
6 Aefa daʼö imane Yobi,
2 ”Enaʼö na tola musuʼa hawaʼabua gabula dödögu+Ba labeʼe ba dete waliʼera ngawalö wamakao salua khögu!
3 Iadaʼa, abölö abua wamakao si göna khögu moroi ba gawu nasi.
Daʼö mbörö wa lö tatu wehedegu.*+
4 Noa sa tetaru khögu nono wana moroi khö Wondrege Zabölö,Iʼanöröi nösigu söfunia.+
Ngawalö zataʼu ndraʼo moroi khö Lowalangi no teʼoli ira ba wolawa yaʼo.
5 Hadia muʼao galide gatua+ na so ndruʼu,Mazui muhöfu zawi si matua na so gönia?
6 Hadia muʼa manö gö si lö asio,Hadia so raso zafusi gadulo?
7 No utimbagö wombambaya ö simane daʼö.
Hulö gö sanuzu dödö niha.
8 Enaʼö na tefondrondrongo gangandröwaguBa ibeʼe Lowalangi zomasi dödögu!
9 Enaʼö na omasi Lowalangi wamufu yaʼo,Ba iʼoroʼö dangania ba wangohori yaʼo!+
10 Ba tobali fondrara dödögu daʼö.
Manaoka ndraʼo ba waʼomuso dödö hewaʼae mangarö-ngarö ndraʼo ba waʼafökhö,Börö me lö irai utimbagö wehede Lowalangi Niʼamoniʼö.+
11 Hadia ikhamö faʼabölögu ba wombaloi manö?+
Hadia so zi sökhi sombaloi yaʼo irege lö uʼandrö waʼamate?
12 Hadia kara ndraʼodo andre?
Hadia tembaga nagolegu?
13 Hadia tola utolo ndraʼo samösa,Hewaʼae na lö hadöi saʼae faʼabölögu?
14 Na so niha si lö mangoromaʼö faʼomasi si lö faröi khö nawönia,+Lö ataʼu niha daʼö khö Wondrege Zabölö.+
15 Tebai muʼodaligö ndra talifusögu,+ simane ungo nidanö ba mbaŵa deu,Simane ungo nidanö ba mbaŵa deu si no oköli.
16 Falawu nungo nidanö andröBörö esi si no mangele.
17 Hizaʼi na baŵa lökhö, lö moʼidanö nungo nidanö daʼö ba taya manö;Na aukhu zino, ba ogöʼö ia.
18 Iholeʼö ia lala nidanö andrö,Isawa danö si mate ba taya.
19 Laʼalui ia ngawawa niha sato moroi ba Dema,+Ba latötöna ia ngawawa niha sato moroi ba Zeba.+
20 Aila ira börö me faduhu dödöra wa lasöndra nidanö;Afatö dödöra me larugi daʼö.
21 Simane daʼö ami ba wamaigigu.+
Ba ginötö miʼila wamakao salua khögu, ataʼu ami.+
22 Hadia no uʼandrö enaʼö so nibeʼemi khögu,Mazui uʼangaröfili mbuala moroi ba waʼakayomi?
23 Hadia uʼandrö enaʼö aefa ndraʼo ba danga nudu,Mazui teʼefaʼö* ndraʼo ba danga zamakao?
24 Fahaʼö ndraʼo ba ahonodo saʼae.+
Tolo ndraʼo enaʼö aboto ba dödögu zalagu.
25 Lö afökhö wehede si lö falimosa!+
Hizaʼi, hadia moguna khögu wotu nibeʼemi?+
26 Hadia miʼoʼaya wehedegu,Niha saetu fanötöna ndraʼo, ba hulö nangi si hombo na mohede?+
27 Milau fadahö-dahö ba ndraono si lö ama,+Ba mifamawa* nawömi!+
28 Mifaigi ndraʼo iadaʼa,Börö me lö falimo ndraʼo khömi.
29 Miʼangeragö zamuza tö, böi miböbögö khögu zi lö duhu.
Atulö, mifuli miʼangeragö börö me lö nifaluagu sala.
30 Hadia lö itörö niwaʼögu?
Hadia miwalinga lö uʼila hana wa tefakao ndraʼodo?
