Yobi 7:1-21
7 ”Hadia tenga hulö niʼosawuyu waʼauri niha ba gulidanö,Ba hadia tenga simane si manga gazi waʼaurinia bongi maʼökhö?+
2 Simane sawuyu, idöna-döna weʼamöi ba lumö,Ba simane si manga gazi, idöna-döna gazinia.+
3 Zaya-zaya gölö waʼaurigu ba zi hauga waŵa,Ero bongi mangarö-ngarö ndraʼo.+
4 Me möido mörö, mangera-ngera ndraʼo, ’Hawaʼara maosodo?’+
Ara sibai worasoigu zi sara wongi ba ufuta-futa manö ndraʼo ba waʼabu dödö irege tumbu luo.
5 Afönu kuö-kuö mbotogu awö gawu-gawu;+Mowoʼa-woʼa fefu guligu ba monana.+
6 Alio numalö ginötögu moroi ba geu nifagaölö ba wanoso nukha,+Ba aetu lö tötönafö.+
7 He Lowalangi, törö tödöu wa lö arara waʼaurigu,*+Lö saʼae iʼila hörögu waʼomuso dödö.*
8 Hörö sangila yaʼo iadaʼa ba lö saʼae laʼila ndraʼo dania.
Öʼalu-alui ndraʼo, ba lö yaʼo föna höröu.+
9 Simane lawuo si numalö misa ba si taya,Simanö göi zi no möi tou ba Lewatö,* lö saʼae ifuli ia.+
10 Ba lö saʼae mangawuli ia ba nomonia,Ba lö saʼae itörö-törö tödö niha ia ba mbanuania.+
11 Andrö, lö utaha mbewegu.
Fahuhuo ndraʼo börö waʼafökhö dödögu;Ba mangarö-ngarö ndraʼo börö waʼafeto wamakao nitaögögu!+
12 Hadia asi ndraʼodo andre mazui urifö sebua ba nasi,Irege öfataro niha ba wozago yaʼo?
13 Ufadölö ndraʼo uwalinga tola terara dödögu,Ba uwalinga aoha wamakao si göna khögu ba nahia wemörögu,
14 Hizaʼi, öfetaʼu ndraʼo ba wangifi,Ba öforomaʼö khögu gangilata si hokha mbugu,
15 Abölö sökhi mate ndraʼo ba waʼambö mbadu,Atulö, abölö sökhi mate ndraʼo moroi na auri mbotogu* simane daʼa.+
16 Fatuwu khögu waʼaurigu.+ Omasido mate.
Röi ndraʼo, börö me hulö nangi weʼasogu ba gulidanö andre.+
17 Haniha zindruhunia niha andrö irege öʼangeragöBa öʼameʼegö tödö ia?+
18 Hana wa öfaigi-faigi ia ero sihulö wongiBa ötandraigö ia ero inötö?+
19 Hadia tebai öfandröndröu ndraʼugö khöguBa ötehegö khögu sabata manö enaʼö tola utölö gilogu?+
20 He yaʼugö sonehe-nehegö niha, na ufalua horö, hadia yaʼugö zi rugi?+
Hana wa öʼalui ndraʼo?
Hadia tobali noro dödöu ndraʼo?
21 Hana wa lö öʼefaʼö golalöwaguBa öʼosilöʼögö zalagu?
Lö ara tö mate ndraʼo ba ufulido ba gawu-gawu.+
Öʼalui ndraʼo ba lö yaʼo saʼae.”
Nisura ba gahe zura
^ Mazui ”wa no hulö nangi waʼaurigu andre”.
^ Sin.: ”ngawalö zi sökhi”.
^ Mazui ”Syeol”. Faigi Geluaha Ngawua Wehede.
^ Mazui ”na auri dölagu”.
