Yobi 8:1-22
8 Imane Bilidado+ niha Zua andrö,+
2 ”Hawaʼara manö öbato wahuhuosa simane daʼa?+
Fehedemö andrö hulö nangi sabölö-bölö!
3 Hadia ifuyuʼö zatulö Lowalangi,Mazui ifuyuʼö zindruhu Fondrege Zabölö?
4 Na lafalua khönia horö iraonou matua,Ihuku ira börö wamadaöra andrö.
5 Hizaʼi, na öʼalui menaʼö Lowalangi,+Ba öʼandrö waʼahakhö dödö khö Wondrege Zabölö,
6 Ba na ötörö zindruhu ba adölö dödöu,+Iʼameʼegö tödö ndraʼugöBa ifangawuli ndraʼugö simane me mböröta.
7 Hewaʼae na niha niʼailasi ndraʼugö ba zilalö,Ba faʼohahau dödö zalua khöu ba zi so miföna.+
8 Sofu khö ndra tuau ba zilalö,Töngöni hadia nifahaʼö ndra amara.+
9 Börö me sawena tumbu ita menewi, ba lö taʼila hadia ia,Börö me lö arara* waʼaurida andre ba gulidanö.
10 Hadia lö dania lafahaʼö ndraʼugö,Ba lafatunö khöu niʼilara?*
11 Hadia alawa manö döla zukhu* na tenga ba ndraso tumbu ia?
Hadia alawa manö goʼo na lö idanö?
12 Alio sibai aleu zinanö daʼö moroi ba danö böʼö,Hewaʼae awena moliwiö ba lö mutaba.
13 Daʼö dania zalua ba niha sangolifugö Lowalangi,Börö me tehori niha si lö faʼaboto ba dödö khö Lowalangi.*
14 Lö hadöi eluaha niʼodaligöra,Faduhu dödöra ba zalio tekiko simane uö* galawa.
15 Itendroʼö ia ba nomonia hizaʼi adudu;Iʼolembai hizaʼi lö aro.
16 Hulö simane tanömö zinanö sauri ia barö haga luo,Manana misa liwiönia ba kabu.+
17 Fafali waʼania misa ba gara;Iʼalui nahania ba gotalua gara.
18 Me ladeha ia moroi ba nahania,Lö ifaduhuʼö ia nahia daʼö ba imane, ’Lö irai uʼila ndraʼugö.’+
19 Atulö, simane daʼö na taya ia.+
Ba tumbu zinanö tanö böʼö moroi ba danö.
20 Lö itimbagö niha si lö faröi* LowalangiBa lö itolo* niha si lö sökhi.
21 Ihöna waʼiki ba mbawamö,Ba faʼomuso dödö ba mbewemö.
22 Teʼailasi niha si faʼudu khöu,Ba lö hadöi saʼae dania ose niha si lö sökhi.”
Nisura ba gahe zura
^ Sin.: ”ha lumö-lumö”.
^ Sin.: ”lafaʼema wehede si so ba dödöra?”
^ Sin.: ”döla papirus”.
^ Mazui ”niha sondröi sindruhu”.
^ Sin.: ”simane omo”.
^ Mazui ”si lö sinegu”.
^ Sin.: ”lö igogohe danga”.
