Yona 2:1-10
2 Mangandrö Yona ba dalu giʼa+ khö Yehowa Lowalanginia
2 imane,
”Muʼao ndraʼo khö Yehowa ba waʼatosasagu andre, ba ifondrondrongo.+
Uʼangaröfili ndraʼugö moroi ba Lewatö*+Ba öfondrondrongo wehedegu.
3 Me ötiboʼö ndraʼo ba dalu nasi fondrege zabakha,Teʼuʼu ndraʼo ba waʼabölö-bölö hou,+Ba ibözido bade sabölö-bölö.+
4 Umane, ’No öfofanö ndraʼo föna höröu!
Hadia tola uʼila mangawuli gosalimö niʼamoniʼö?’
5 Atata dölagu+ börö me no teʼuʼu ndraʼo ba nasi.
Ahöndrö ndraʼo ba nasi sabakha.
Ba no ifali högögu duʼu nasi.
6 Ahöndrö ndraʼo ba wondrege daya-daya nasi*
Ba no teduhö mbawandruhö lewatö khögu sagötö faʼara.
Hizaʼi, no ösöbi ndraʼo yawa yaʼugö Yehowa Lowalangigu.+
7 Me ibörögö taya nosogu, ha Yehowa nitörö tödögu.+
Irugi khöu wangandrögu ba gosalimö niʼamoniʼö.+
8 Niha samosumange adu si lö moguna, laröi ndraʼugö hewaʼae no öforomaʼö khöra waʼomasimö si lö faröi.*
9 Hizaʼi, na yaʼo hasambalö ubeʼe khöu zumange si fao fangandrö saohagölö.
Ufalua fefu zi no ufabuʼu.+
Moroi khö Yehowa iʼotarai fangorifi.”+
10 Ba gafuriata, ibeʼe fareta Yehowa ba giʼa andrö enaʼö iʼutaʼö Yona ba dete gawu.
Nisura ba gahe zura
^ Mazui ”Syeol”. Faigi Geluaha Ngawua Wehede.
^ Sin.: ”daya-daya hili”.
^ Mazui te ”laböhöli waʼalöfaröira khöu”.
