Yona 3:1-10
3 Ba ifuli zui mohede Yehowa khö Yona ba zi mendrua kali,+
2 ”Aeʼe ba Niniwe,+ banua sebua andrö. Ombakhaʼö khöra duria si no ufaʼema khöu.”
3 Ba maoso Yona möi ia ba Niniwe,+ iʼoʼö niwaʼö Yehowa.+ Ebua sibai mbanua Niniwe.* Na mutörö ahe, tölu hari fofanö ba wamasui yaʼia.
4 Möi Yona ba mbanua daʼö ba ibörögö iʼanöröi mbanua andrö maʼökhö fofanö ba wangombakha turia, ”Hatö öfa wulu hari tö tedudugö Niniwe.”
5 Ba faduhu dödö nono mbanua Niniwe khö Lowalangi.+ Laʼombakhaʼö enaʼö lafalua wuasö ba laʼonukha goni. Dozi lafalua fefu daʼö, iʼotarai ba niha si toʼölö irugi ba niha si tehöngö.
6 Me irongo duria daʼö razo Niniwe, mozizio ia moroi ba dadaomania, iheta nukha waʼarazonia. Iʼonukha goni ba modadao ia ba dete nawu.
7 Ibeʼe goroisa enaʼö lafaʼema gangombakhata daʼa ba zi sagörö tanö Niniwe:”Daʼa gangetula nihalö razo awö ndra tuhenöri: Böi manga niha mazui urifö, he sawi, nambi hegöi biri-biri. Tebai manga ira ba tebai labadu hadia ia.
8 Laʼonukha goni, he niha hegöi urifö. Lö tola löʼö laʼangaröfili Lowalangi soroi ba dödö ba labulöʼö lala waʼaurira si lö sökhi awö wamakao si no lafalua.
9 Maʼatö alulu dödö Lowalangi sindruhu wamulöʼö era-erania* ba wangaʼasogö khöda famakao ba lö saʼae mofönu ia faböi mate ita.”
10 Me iʼila Lowalangi sindruhu hadia zi no lafalua, wa no labulöʼö lala waʼaurira si lö sökhi,+ ibulöʼö göi wangera-ngerania* Lowalangi ba wamakao si no iwaʼö, ba lö aʼozu ifalua daʼö khöra.+
Nisura ba gahe zura
^ Sin.: ”Banua sebua ba wamaigi Lowalangi”.
^ Mazui ”ba maniasa ia”.
^ Mazui ”maniasa”.
