Yona 4:1-11
4 Hizaʼi, abao sibai dödö Yona ba mofönu ia.
2 Andrö wa mangandrö ia khö Yehowa, ”He Yehowa, daʼa zaombö dödögu me so ndraʼo ba mbanuagu. Uʼila wa yaʼugö andrö Lowalangi sebua tödö ba sahakhö tödö, lö alio mofönu ba fahöna khöu waʼomasi si lö faröi.+ Lö omasiʼö öfalua wamakao. Daʼö mbörö wa moloi ndraʼo ba Darisi+ me luo daʼö.
3 He Yehowa, halö manö nosogu iadaʼa. Abölö sökhi mate ndraʼo moroi na auri.”+
4 Manofu Yehowa, ”Hadia sinangea mofönu ndraʼugö simane daʼö?”
5 Mofanö Yona moroi ba mbanua daʼö ba modadao ia tanö ba gatumbukha mbanua andrö. Ifazökhi sambua nose ba iʼagö lumö nose andrö ba modadao ia ba wamaigi hadia zalua ba mbanua daʼö.+
6 Aefa daʼö, ifatumbuʼö zinanö labu Lowalangi Yehowa ba wolumöʼö högö Yona ba enaʼö alö waʼamarasenia. Omuso sibai dödö Yona ba zinanö daʼö.
7 Hizaʼi, mahemolu sihulö wonginia, iʼasogö gukuö Lowalangi sindruhu ba wamakiko sinanö labu andrö irege aleu.
8 Me ibörögö aukhu zino, iʼasogö Lowalangi nangi gatumbukha saukhu sibai. Ihandro högö Yona faʼaukhu zino irege atata dölania. Lö aetu iʼandrö enaʼö mate manö ia. Imane, ”Abölö sökhi na mate ndraʼo moroi na auri.”+
9 Manofu Lowalangi khö Yona, ”Hadia sinangea mofönu ndraʼugö börö zinanö labu andrö?”+
Imane Yona, ”Yaʼia, no sinangea mofönu ndraʼo. Mofönudo sibai irege uʼandrö waʼamate.”
10 Hizaʼi imane khönia Yehowa, ”Ahakhö dödöu zinanö labu andrö hewaʼae tenga yaʼugö zamatumbuʼö ba sondrorogö yaʼia. Ha sara wongi waʼatumbunia ba hasara wongi göi waʼamatenia.
11 Hadia tenga göi sinangea uforomaʼö waʼahakhö dödö ba Niniwe, banua sebua andrö?+ Ba mbanua daʼö, so 120.000 niha si lö mangila hezo zatulö ba hezo zi sala,* ba oya gurifö niʼokhögöra.+
Nisura ba gahe zura
^ Sin.: ”si lö mangila hezo gambölö ba hezo gabera”.
