Yosua 11:1-23
11 Me irongo daʼö Yabino razo Hasora, ifaʼoheʼö goroisania khö Yobaba razo Madona+ hegöi khö razo Simeroni, razo Nakhizafi,+
2 yaʼia daʼö ira razo ba mbanua si so ba hili tanö yöu; hegöi khö ndra razo ba danö saloʼo* tanö raya Gineroti; ira razo ba Zefela awö ba gahe hili Dora+ tanö ba gaekhula;
3 simanö göi ba niha Ganaʼana+ tanö ba gatumbukha ba aekhula; niha Gamori,+ niha Kheti, niha Weresi, niha Yebusi ba mbanua si so ba hili hegöi ba niha Hewi+ si so ba gahe Hili Heremono+ ba danö Misefa.
4 Mofanö ira awö ndra saradadu sato si fao khöra, simane faʼoya gawu ba zinga nasi. Ba laʼohe göi kudo awö gureta wasuwöta soya sibai.
5 Falukha fefu ndra razo andre me no hasara dödöra, ba toröi ira ba Gumbu Nidanö Meromo ba wolawa iraono Gizaraʼeli.
6 Aefa daʼö imane Yehowa khö Yosua, ”Böi ataʼufi ira,+ mahemolu ba zimane faʼalawa luo ubeʼe ira ba danga ndraono Gizaraʼeli enaʼö labunu. Mitaba gölu-ölu kudora+ ba mitunu gureta wasuwötara.”
7 Ba zi lö mudöna-döna, fao Yosua khö ndra saradadunia ba wanuwö yaʼira ba Gumbu Nidanö Meromo.
8 Ibeʼe ira Yehowa ba danga ndraono Gizaraʼeli.+ Lakalaisi ba lagohi ira irugi Zidona Sebua,+ Misirefo-mayi,+ ba Daso Misefe tanö ba gatumbukha, ahori labunu fefu irege lö si toröi.+
9 Ifalua Yosua fefu niwaʼö Yehowa khönia. Itaba gölu-ölu kudora ba itunu gureta wasuwötara.+
10 Lö ara, möi Yosua ba Hasora, irabu ba ibunu razo mbanua daʼö faoma föda,+ börö me Hasora andre mbanua fondrege zabölö ba zilalö moroi ba wamatörö andrö.
11 Labunu fefu niha ba mbanua daʼö faoma föda.+ Samösa lö sauri.+ Lö ara, itunu mbanua Hasora.
12 Ikalaisi fefu razo-razo daʼö Yosua faoma föda ba irabu mbanuara.+ Ihori ira fefu+ simane niwaʼö Yehowa khö Moze, enoninia andrö.
13 Hizaʼi, lö latunu iraono Gizaraʼeli mbanua si so yawa ba hili, baero Hasora. Ha daʼö mbanua nitunu Yosua.
14 Larabu iraono Gizaraʼeli fefu gama-gama awö gurifö si so ba mbanua daʼö.+ Labunu fefu niha faoma föda irege samösa lö si toröi.+ Samösa lö sauri.+
15 Fefu nifaʼema Yehowa khö genoninia Moze, no göi ifaʼema Moze khö Yosua,+ ba no ifalua daʼö Yosua. Ifalua fefu niwaʼö Yehowa khö Moze.+
16 Ikalaisi fefu mbanua daʼa Yosua, yaʼia daʼö banua si so ba hili Yehuda, banua Negebi maʼasagörö,+ fefu danö Gosena, Sefela,+ Araba,+ hegöi banua si so ba hili Gizaraʼeli awö mbanua si so ba zi fasui hili-hili,*
17 iʼotarai Hili Halaka sangotahögö Seʼira, irugi Mbaʼali-gado+ ba Ndraso Libano ba gahe Hili Heremono.+ Iraʼu fefu razonia ba ibunu ira.
18 Ara maʼifu ginötö niʼogunaʼö Yosua ba wokalaisi ira razo daʼö fefu.
19 Lö somasi fawuʼu li enaʼö atulö ba ndraono Gizaraʼeli baero niha Hewi si toröi ba Gibeona.+ Fefu mbanua böʼö, ikalaisi ba wasuwöta.+
20 Itehegö abeʼe högöra*+ Yehowa irege fasuwö ira ba wolawa iraono Gizaraʼeli enaʼö tehori ira si lö faʼahakhö dödö.+ Sinangea na tehori ira, simane niwaʼö Yehowa khö Moze.+
21 Me luo daʼö, ihori fefu niha Genaki+ andrö Yosua moroi ba mbanua si so ba hili, yaʼia daʼö moroi ba Heberona, Debira, Anaba, fefu mbanua hili Yehuda maʼasagörö ba fefu mbanua si so ba hili ba Gizaraʼeli. Ihori ira fefu Yosua ba simanö göi mbanuara.+
22 Samösa lö sauri niha Genaki ba danö Gizaraʼeli. Ha ba Gaza+ toröi ira,+ ba Gata+ hegöi ba Gasoto.+
23 Simane daʼö wangokhögö Yosua fefu mbanua andrö, simane nifabuʼu Yehowa khö Moze.+ Aefa daʼö ibeʼe ba ndraono Gizaraʼeli tobali ondröita enaʼö labagi-bagi ero sambua mado moloʼö tana khöra zamösana.+ Ba lö saʼae hadöi fasuwöta ba mbanua daʼö.+
