Yosua 12:1-24
12 Daʼa razo-razo nikalaisi ndraono Gizaraʼeli, banua si no larabu tanö ba gatumbukha Nungo Nidanö Yoridano, iʼotarai ba Ndraso Garono+ irugi Hili Heremono+ hegöi Araba maʼafefu tanö ba gatumbukha:+
2 Sihona+ razo niha Gamori si toröi ba Hesibona ba samatörö ba Naroeri+ ba zinga Ndraso Garono+ hegöi ba dalu ndraso andrö, ba matonga göi moroi ba Gileadi irugi Ndraso Yaboko, ba nola mbanua niha Gamoni.
3 Mamatörö ia göi ba Garaba irugi Nasi Gineroti*+ tanö ba gatumbukha irugi Nasi Garaba, yaʼia daʼö Asi Sasi-asi* tanö ba gatumbukha numalö ba Mbeti-yesimoti, ba tanö raya gahe hili Wisiga.+
4 Simanö göi Razo Ogi+ moroi ba Mbazana, samösa moroi ba gotalua niha Refaʼi si toröi,+ si so ba Gasaroti hegöi ba Gederai.
5 Mamatörö ia ba Hili Heremono ba Salekha, ba Mbazana maʼafefu,+ irugi nola mbanua niha Gesuri ba niha Maʼakhati,+ ba matonga moroi ba Gileadi, irugi mbanua Razo Zihona moroi ba Hesibona.+
6 No ikalaisi ira Moze enoni Yehowa andrö awö ndraono Gizaraʼeli.+ Awena ibeʼe mbanua daʼö Moze enoni Yehowa ba mado Rubeno, mado Gado, ba matonga mado Manase.+
7 Yosua hegöi iraono Gizaraʼeli no lakalaisi fefu razo si so tanö ba gaekhula Nungo Nidanö Yoridano, iʼotarai ba Mbaʼali-gado+ ba Ndraso Libano+ irugi Hili Halaka+ sangotahögö Seʼira.+ Ibeʼe mbanua daʼö Yosua ba mado ndraono Gizaraʼeli moloʼö tana khöra zamösana,+
8 yaʼia daʼö banua si so ba hili, ba Zefela, ba Garaba, ba mbanua si so ba gahe hili, ba danö si mate hegöi ba Negebi+ si toröi niha Kheti, niha Gamori,+ niha Ganaʼana, niha Weresi, niha Hewi awö niha Yebusi.+ Daʼa döi-töira:
9 Razo Yerikho,+ razo Gaʼi,+ si so ba Mbetieli,
10 razo Yeruzalema, razo Heberona,+
11 razo Yaramuti, razo Lakhisi,
12 razo Negelona, razo Gezeri,+
13 razo Debira,+ razo Gederi,
14 razo Horama, razo Garadi,
15 razo Libena,+ razo Gadula,
16 razo Makeda,+ razo Mbetieli,+
17 razo Dafua, razo Heferi,
18 razo Gafeka, razo Lasaro,
19 razo Madona, razo Hasora,+
20 razo Simeroni, razo Nakhizafi,
21 razo Daʼanakhi, razo Megido,
22 razo Gadesi, razo Yokenea+ ba Garimeli,
23 razo Dora ba gahe hili Dora,+ razo Goʼi ba Giligala,
24 ba razo Dirisa. So 31 razo fefu.