Yosua 15:1-63
15 Tanö nibagi*+ ba mado Yehuda moloʼö ösi nomora zamösana yaʼia daʼö banua si faola ba Gedomo,+ Tanö si Mate Zini irugi mbalö Negebi tanö raya.
2 Ola tanö raya khöra, iʼotarai ba mbalö Nasi Sasi-asi,*+ moroi ba nasi sadöni bakha tanö raya.
3 Tohu-tohu nola andrö irugi tanö raya Hili Nakerabi+ numalö ba Zini, aefa daʼö iʼotarai moroi raya numalö ba Gadesi-mbarenea,+ ba Hezerono, ba Gadara, ahole ia tanö ba Garaka.
4 Moroi ba daʼö, numalö ba Gasemona+ irugi Ndraso Miserai,+ ba aetu ba Nasi Sebolo.* Daʼö nola khöra tanö raya.
5 Ola tanö ba gatumbukha khöra yaʼia daʼö Asi Sasi-asi* irugi mbalö Nungo Nidanö Yoridano, ba mbalö tanö yöu yaʼia daʼö asi sadöni bakha ba Nasi Sasi-asi andrö, ba mbalö Nungo Nidanö Yoridano.+
6 Ola andrö numalö ba Mbeti-hogela,+ itörö tanö yöu Mbeti-araba,+ aefa daʼö numalö ba Gara Mbohani+ ono Rubeno.
7 Aefa daʼö, ola andrö numalö ba Debira ba Ndraso Gakhori,+ ahole tanö yöu Giligala+ föna Hili Gadumi, tanö raya ndraso. Itohugö ba Gumbu Nidanö Neni-zemesi+ ba aetu ba Geni-rogeli.+
8 Ola daʼö numalö ba Ndraso Ndraono Hinomo,+ ba gahe hili mbanua niha Yebusi+ tanö raya yaʼia daʼö Yeruzalema,+ ba numalö ba hili sangotahögö Daso Hinomo tanö ba gaekhula, si so ba mbalö Ndraso Refaʼi tanö yöu.
9 Iʼotarai zuzu hili, tefatohu nolania ba Gumbu Nidanö Gefetoa+ irugi mbanua si so ba Hili Neferona. Aefa daʼö numalö ba Mbaʼala yaʼia daʼö Kiriati-yeari.+
10 Moroi ba Mbaʼala, iholeʼö nola andrö numalö tanö ba gaekhula Hili Zeʼira, ba gahe Hili Yeari tanö yöu, yaʼia daʼö Gezalo, ba numalö mitou ba Mbeti-zamesi+ ofeta ba Dimena.+
11 Itohugö nola daʼö numalö ba gahe hili Nekerona+ tanö yöu, aefa daʼö numalö ba Zikherona, ba Hili Mbaʼala hegöi ba Yabineʼeli ba aetu ba nasi.
12 Ola tanö ba gaekhula khöra yaʼia daʼö Asi Sebolo*+ hegöi gawunia. Daʼö nola-ola ba zi fasui banua ngaʼötö Yehuda moloʼö ösi nomora zamösana.
13 Simane niwaʼö Yehowa khö Yosua, ibeʼe dana khö Galebi+ ono Yefune ba ngaʼötö Yehuda yaʼia daʼö Kiriati-araba (Araba andrö ama Genaki), mazui Heberona.+
14 Aefa daʼö, ifofanö nono Genaki+ si datölu andrö Kalebi, yaʼia daʼö Sezai, Ahima, Talamai.+
15 Moroi ba daʼö, isuwö mbanua Debira.+ Me mböröta lafotöi ia Kiriati-zeferi.
16 Imane Kalebi, ”Ubeʼe nonogu sotöi Akhesa ba niha si tola molawa hegöi morabu Kiriati-zeferi.
17 Sorabu banua daʼö Otenieli+ ono Genasi+ akhi Galebi. Börö daʼö, ibeʼe khönia Gakhesa+ andrö Kalebi tobali foʼomonia.
18 Me mangawuli Gakhesa, ifaso Gotenieli wangandrö si sagörö benua khö namania. Aefa daʼö, möi tou Gakhesa moroi ba galidenia.* Isofu khönia Kalebi, ”Hadia zomasiʼö?”+
19 Imane Akhesa, ”Beʼe khögu mbuala. No öbeʼe khögu sagörö mbenua tanö raya,* iadaʼa beʼe khögu göi Guloti-mai.* Ibeʼe Kalebi khönia Guloti Tanö Yawa hegöi Guloti Tanö Tou.
20 Daʼa danö ondröita ba mado Yehuda moloʼö ösi nomora zamösana.
21 Banua sebua tanö ba mbalö mbanua mado Yehuda, olania Edomo+ tanö raya yaʼia daʼö: Kabizeʼeli, Ederi, Yagura,
22 Kina, Dimona, Adada,
23 Kadesi, Hasora, Yitenani,
24 Sifi, Telemi, Bealoti,
25 Hasora-hadata, ba Kerioti-heserona yaʼia daʼö Hasora,
26 Amana, Sema, Molada,+
27 Hasara-gada, Hesimona, Beti-feleti,+
28 Hasara-suali, Bere-seba,+ Bisiotia,
29 Baʼala, Iyima, Esema,
30 Eletoladi, Kesila, Horama,+
31 Sikelagi,+ Madimana, Sanasana,
32 Lebaoti, Silihima, Aʼina, Rimona.+ So 29 fefu mbanua sebua awö zide-ide.
33 Ba Zefela:+ Esaʼola, Sorea,+ Asena,
34 Sanoa, Eni-gani, Tafua, Enamo,
35 Yaramuti, Adula,+ Sokho, Aseka,+
36 Saʼaraʼi,+ Aditaʼi, Gedera hegöi Gederotaʼi.* So 14 fefu mbanua sebua awö zide-ide.
37 Senana, Hadasa, Migidala-gado,
38 Dileano, Misefe, Yokiteʼeli,
39 Lakhisi,+ Bosakati, Egelona,
40 Kabona, Lamasi, Kiteli,
41 Gederoti, Beti-dagono, Naʼama, ba Makeda.+ So 16 fefu mbanua sebua awö zide-ide.
42 Libena,+ Eteri, Asana,+
43 Yifita, Asena, Nesibi,
44 Kegila, Akhisibi, ba Maresa. So siwa fefu mbanua sebua awö zide-ide.
45 Ekerona banua sebua ba zi fasuinia awö mbanua side-ide,
46 simanö göi tanö ba gaekhula Nekerona, fefu mbanua sahatö ba Gasoto awö mbanua side-ide.
47 Asoto,+ banua sebua ba zi fasuinia awö mbanua side-ide; Gaza,+ banua sebua ba zi fasuinia awö mbanua side-ide, aefa daʼö numalö mitou ba Ndraso Miserai, Asi Sebolo* hegöi singa gawu.+
48 Banua si so ba hili: Samiri, Yatiri,+ Sokho,
49 Dana, Kiriati-sana, yaʼia daʼö Debira,
50 Anaba, Esihemo,+ Anima,
51 Gosena,+ Holono, Gilo.+ So 11 fefu mbanua sebua awö zide-ide.
52 Arabi, Duma, Eseano,
53 Yanuma, Beti-tafua, Afeka,
54 Humeta, Kiriati-araba, yaʼia daʼö Heberona+ hegöi Siora. So siwa fefu mbanua sebua awö zide-ide.
55 Maʼona,+ Karimeli, Sifi,+ Yuta,
56 Yezereʼeli, Yokedea, Sanoa,
57 Kaʼino, Gibea, ba Dimena.+ So fulu fefu mbanua sebua awö zide-ide.
58 Halihula, Beti-suri, Gedoro,
59 Maʼarata, Beti-anota hegöi Eleteko. So önö fefu mbanua sebua awö zide-ide.
60 Kiriati-baʼali, yaʼia daʼö Kiriati-yeari+ hegöi Raba. So dombua fefu mbanua sebua awö zide-ide.
61 Ba danö si mate: Beti-araba,+ Midini, Sekhakha,
62 Nibesana, Banua Nasio hegöi Engedi.+ So önö fefu mbanua sebua awö zide-ide.
63 Hizaʼi, ira matua niha Yehuda tebai lafofanö+ niha Yebusi+ si toröi ba Yeruzalema.+ Börö daʼö, toröi niha Yebusi ba gotalua niha Yehuda ba Yeruzalema irugi maʼökhö.
Nisura ba gahe zura
^ Mazui ”tanö nibeʼe me no lafalua dahö-dahö”.
^ Eluahania Asi si Mate.
^ Eluahania Asi Mediterania (Laut Tengah).
^ Eluahania Asi si Mate.
^ Eluahania Asi Mediterania (Laut Tengah).
^ Mazui te ”ibözi dawo-tawo me so ia ba hulu galide”.
^ Mazui ”ba Negebi”.
^ Eluahania ”Tanö Soya Idanö”.
^ Mazui te ”Gedera hegöi kandra mbiri-birinia”.
^ Eluahania Asi Mediterania (Laut Tengah).
