Yosua 17:1-18
17 Me no mufalua dahö-dahö,+ itema dana khönia mado Manase,+ ono siaʼa khö Yosefo.+ Ba labeʼe mbanua Gileadi hegöi Bazana khö Makhiri,+ ono siaʼa khö Manase ba ama Gileadi, börö me yaʼia andrö saradadu.+
2 So göi danö ba ngaʼötö Manase tanö böʼö moloʼö ösi nomora zamösana me no lafalua dahö-dahö, yaʼia daʼö ono matua moroi khö Gabiezeri,+ Heleki, Aserieli, Sikhema, Heferi, ba Semida. Daʼö nono matua ngaʼötö Manase ono Yosefo moloʼö ösi nomora zamösana.+
3 Hizaʼi, lö hadöi ono matua khö Zelofadi+ ono Heferi, ono Gileadi, ono Makhiri, ono Manase. Ha ono alawe nononia. Töira yaʼia daʼö Mala, Noa, Hogela, Milika ba Tirisa.
4 Ba möi ira khö Gere Eleazari,+ Yosua ono Nuni awö zondröniaʼö ba lamane, ”Yehowa zangumaʼö khö Moze ba wameʼe khöma tanö ondröita andrö ba gotalua dalifusöma.”+ Ba simane niwaʼö Yehowa, labeʼe khöra danö ondröita andrö ba gotalua ndra talifusö namara.+
5 So fulu ngaʼörö mbenua tana khö Manase, baero Gileadi hegöi Bazana si so yefo* Nungo Nidanö Yoridano,+
6 börö me latema göi iraono alawe khö Manase danö ondröita si fagölö ba nono matua khönia, ba tobali okhöta ngaʼötö Manase tanö böʼö danö Gileadi.
7 Ola danö Manase yaʼia daʼö moroi ba Gaseri numalö ba Mikhemeta,+ tanö föna Zikhema,+ numalö tanö raya* ba mbanua Neni-Tafua.
8 Tobali okhöta Manase mbanua Dafua,+ hizaʼi banua Dafua si so ba nola danö Manase tobali okhöta ngaʼötö Geferai.
9 Itohugö mitou nola andrö ba Ndraso Gana tanö raya. Ba mbanua Manase,+ so ösa mbanua tana khö Geferai, ba ola danö Manase so ba ndraso tanö yöu ba aetu ba nasi.+
10 Tanö raya yaʼia daʼö tana khö Geferai, tanö yöu khö Manase ba asi zi tobali olania.+ Tanö yöu, faola ira* danö Gaseri, ba tanö ba gaekhula faola ira danö Gisasari.
11 Ba mbanua Gisasari ba Aseri, labeʼe khö Manase mbanua sebua hegöi ono mbanuania awö mbanua ba zi fasuinia, yaʼia daʼö Beti-zeana, Yibelea,+ Dora,+ Eni-dora,+ Taʼanakhi+ awö Megido. Tebeʼe khönia mbanua si tölu ngawua si so ba hili-hili.
12 Hizaʼi, tebai larabu mbanua daʼa ngaʼötö Manase ba fatandro niha Ganaʼana wa lö tebulö toröi ira ba daʼö.+
13 Me itugu abölö ndraono Gizaraʼeli, lafaso niha Ganaʼana wohalöwö ba laʼosawuyu,+ hizaʼi lö lafofanö fefu ndra niha daʼö.*+
14 Lamane ngaʼötö Yosefo khö Yosua, ”Hana wa ha sagörö mbenua tana khöma?*+ No ato ndraʼaga iadaʼa börö me lö tebulö howu-howu Yehowa khöma irugi maʼökhö.”+
15 Imane khöra Yosua, ”Na sindruhu ato ami andrö, miʼae mibokai gatua ba danö niha Weresi+ faoma Refaʼi+ tobali nahiami börö me ambö nahami mbanua si so ba hili Geferai.”+
16 Lamane ngaʼötö Yosefo, ”Ambö nahama mbanua si so ba hili andrö, ba fefu niha Ganaʼana si toröi ba ndraso ahori so khöra gureta wasuwota+ nifosabi,* yaʼia daʼö niha si so ba Mbeti-zeana+ awö mbanua ba zi fasuinia hegöi niha si toröi ba Ndraso Yezereʼeli.”+
17 Andrö, imane Yosua khö ngaʼötö Yosefo, khö Geferai hegöi khö Manase, ”Ato sibai ami ba abölö. Tenga ha sagörö mbenua tana khömi,+
18 hizaʼi fefu mbanua ba hili tobali tana khömi.+ Hewaʼae simanö tola mibokai gatua andrö, ba daʼö zi tobali ola danö khömi. Hasambalö mifofanö niha Ganaʼana hewaʼae na abölö ira ba so khöra gureta wasuwöta nifosabi.”*+
Nisura ba gahe zura
^ Eluahania tanö ba gatumbukha.
^ Sin.: ”tanö ba gambölö”.
^ Eluahania niha Manase mazui banua niha Manase.
^ Mazui ”lö larabu fefu danöra”.
^ Sin.: ”ha sagörö mbenua tana khögu ba ha sakali mufalua dahö-dahö”.
^ Sin.: ”gureta siʼöli”.
^ Sin.: ”gureta siʼöli”.
