Yosua 19:1-51
19 Lafalua dahö-dahö si dua+ ba oroma dana khö Zimeoni hegöi ba mado Zimeoni+ moloʼö ösi nomora zamösana. Ba mbenua tana khö Yehuda, ba daʼö so danö ondröita khöra.+
2 Daʼa danö ondröita khöra yaʼia daʼö Bere-seba,+ Seba, Molada,+
3 Hasara-suali,+ Bala, Esema,+
4 Eletoladi,+ Betuli, Horama,
5 Sikelagi,+ Beti-makaboti, Hasara-zusa,
6 Beti-lebaoti,+ Saruhe, so 13 fefu mbanua sebua awö zide-ide;
7 Aʼina, Rimona, Eteri, Asana,+ so öfa fefu mbanua sebua awö zide-ide;
8 fefu mbanua side-ide ba zi fasui banua sebua irugi Mbaʼali-beʼeri yaʼia daʼö Rama tanö raya. Daʼö danö ondröita ba mado Zimeoni moloʼö ösi nomora zamösana.
9 Tanö ondröita ba ngaʼötö Zimeoni, tehalö moroi ba danö khö Yehuda, börö me talafo ebua dana khönia. Andrö wa so danö ngaʼötö Zimeoni bakha ba mbenua Yehuda.+
10 Lafalua dahö-dahö si tölu+ ba oroma dana khö ngaʼötö Zebuloni+ moloʼö ösi nomora zamösana. Ola danö ondröita khöra irugi Zaridi.
11 Ola danö khöra numalö ba gaekhula ba Marela irugi Dabeseti, aefa daʼö numalö ba ndraso föna Yokenea.
12 Moroi ba Zaridi itohugö ba gatumbukha, tanö ba gatumbukha luo, numalö ba nola Kisiloti-dabora, aefa daʼö ba Daberata+ ba numalö miyawa ba Yafia.
13 Moroi ba daʼö, itohugö nolania ba gatumbukha, tanö ba gatumbukha luo, ba Gata-heferi,+ ba Eti-gasimi, Rimona, aefa daʼö ba Nea.
14 Tanö yöu, iholeʼö nolania ba Hanato ba aetu ba Ndraso Yefita-eli,
15 ba Gatata, Nahala, Simeroni,+ Yidala, ba Betilekhema.+ So 12 fefu mbanua sebua awö zide-ide.
16 Daʼö danö ondröita ba ngaʼötö Zebuloni moloʼö ösi nomora zamösana,+ banua sebua awö zide-ide.
17 Lafalua dahö-dahö si öfa+ ba oroma dana khö Gisasari+ hegöi ngaʼötönia moloʼö ösi nomora zamösana.
18 Ola mbenuara yaʼia daʼö Yezereʼeli,+ Kesuloti, Sunema,+
19 Hafaraʼi, Siona, Anaharata,
20 Rabiti, Kisiona, Ebesi,
21 Remeti, Eni-gani,+ Eni-hada hegöi Beti-wasesi.
22 Ofeta nola andrö irugi ba Dabora,+ Sahasima, Beti-zamesi, ba aetu ba Nungo Nidanö Yoridano. So 16 fefu mbanua sebua awö zide-ide.
23 Daʼö danö ondröita ba mado Gisasari moloʼö ösi nomora zamösana,+ banua sebua awö zide-ide.
24 Lafalua dahö-dahö si lima+ ba oroma dana khö mado Gaseri+ moloʼö ösi nomora zamösana.
25 Ola danö khöra yaʼia daʼö Helikata,+ Hali, Beteni, Akhizafi,
26 Alamelekhi, Ameada, ba Miseala. Numalö nola andrö ba gaekhula, ba Garimeli+ hegöi ba Zihora-libenati.
27 Aefa daʼö, ifuli furi nolania tanö ba gatumbukha ba Mbeti-dagono irugi mbanua Zebuloni hegöi Daso Yefita-eli tanö yöu numalö ba Mbeti-emeki, Negieli, itohugö tanö ba gabera Gabuli,
28 ba Geberono, Rehobo, Hamono, Kana irugi Zidona Sebua.+
29 Ola daʼö mangawuli ba Rama irugi mbanua Diro nifasui öli.+ Ola andrö mangawuli ba Hoza, ba aetu ba nasi ba mbanua Gakhisibi,
30 Uma, Afeka+ hegöi Rehobo.+ So 22 fefu mbanua sebua awö zide-ide.
31 Daʼö danö ondröita ba mado Gaseri, moloʼö ösi nomora zamösana,+ banua sebua awö zide-ide.
32 Lafalua dahö-dahö si önö+ ba oroma dana khö Nafetali hegöi ba ngaʼötönia moloʼö ösi nomora zamösana.
33 Tebörögö nola khöra moroi ba Helefi, iʼotarai geu sebua Zaʼanani,+ Adami-nekebi, Yabineʼeli irugi Lakuma, ba aetu ba Nungo Nidanö Yoridano.
34 Ola daʼö mangawuli tanö ba gaekhula ba Gasinoti-dabora, numalö ba Hukoko ofeta ba mbanua Zebuloni tanö raya ba numalö tanö ba gaekhula mbanua Gaseri, ofeta ba Yehuda tanö ba gatumbukha Nungo Nidanö Yoridano.
35 Banua nifasui öli yaʼia daʼö Zidimi, Seri, Hamata,+ Rakata, Kineroti,
36 Adama, Rama, Hasora,+
37 Kadesi,+ Ederai, Eni-hasora,
38 Yireono, Migedali-eli, Horema, Beti-anata hegöi Beti-zamesi.+ So 19 fefu mbanua sebua awö zide-ide.
39 Daʼö danö ondröita ba mado Nafetali moloʼö ösi nomora zamösana,+ banua sebua awö zide-ide.
40 Lafalua dahö-dahö si fitu+ ba oroma dana khö mado Dano+ moloʼö ösi nomora zamösana.
41 Ola danö ondröita khöra yaʼia daʼö Sorea,+ Esaʼola, Iri-zemesi,
42 Saʼalabi,+ Ayalona,+ Yitela,
43 Elono, Dimena,+ Ekerona,+
44 Eliteke, Gibetona,+ Baʼalata,
45 Yehudi, Bene-mbaraki, Gata-rimono,+
46 Me-yarako, Rakona, simanö göi nola sangotahögö Yafo.+
47 Hizaʼi, talafo ide-ide khöra danö mado Dano.+ Andrö fasuwö ira mbanua Lesema,+ larabu ba lasuwö faoma föda. Larabu ba laʼiagö mbanua daʼö. Lö ara, lafagatini döi Lesema tobali Dano, yaʼia daʼö töi duara.+
48 Daʼö danö ondröita ba mado Dano moloʼö ösi nomora zamösana, banua sebua awö zide-ide.
49 Awai labagi danö ondröita andrö moloʼö ola mbanua khöra zamösana. Aefa daʼö, labeʼe khö Yosua ono Nuni iraono Gizaraʼeli danö ondröita bakha ba mbanuara.
50 Labeʼe mbanua niʼandrö Yosua simane niwaʼö Yehowa yaʼia daʼö Timenata-zera,+ ba mbanua si so ba hili Geferai. Ifasindro mbanua andrö ba toröi ia ba daʼö.
51 Daʼö danö ondröita nibagi Gere Eleazari, Yosua ono Nuni hegöi sondröniaʼö moroi ba nösi nomo ndra matua ba mado Gizaraʼeli.+ Lafalua dahö-dahö ba wombagi tanö andrö föna Yehowa ba Zilo,+ ba mbawandruhö nose waʼowulo.+ Irugi daʼö wombagi tanö ondröita.
