Yosua 20:1-9
-
Banua folumöʼö (1-9)
20 Aefa daʼö, imane Yehowa khö Yosua,
2 ”Ombakhaʼö ba ndraono Gizaraʼeli, ’Tatugöi mbanua folumöʼö+ si no irai uwaʼö khömi nifaʼemagu khö Moze,
3 enaʼö ba daʼö isawa niha samunu niha si tenga niʼodödögö mazui si lö mudöna-döna. Banua andrö dania tobali nahia folumöʼö na igohi ia niha solau balö.+
4 Samunu niha andrö, ifili hezo mbanua somasi ia isawa+ ba moloi ia ba daʼö. Aefa daʼö, mosindro ia föna mbawa göli mbanua+ ba itutunö khö ndra satua mbanua hadia zalua khönia. Lö tola löʼö latemaʼö ia ba latehegö toröi ia ba daʼö.
5 Na igohi ia solau balö, tebai lalulu ia ba danga zolohi andrö börö me tenga iʼodödögö* wamunu awönia mazui börö waʼafatuwunia.+
6 Iʼiagö manö mbanua andrö irege muʼetuʼö hukumania föna niha sato,+ ba toröi ia ba daʼö ofeta mate gere sebua+ sohalöwö me luo daʼö. Awena tola mangawuli zamunu niha andrö ba mbanuania hegöi ba nomonia.’”+
7 Ba lafili* mbanua andrö: Kadesi+ ba Galilaia ba mbanua si so ba hili Nafetali, Sikhema+ ba mbanua si so ba hili Geferai, Kiriati-araba+ yaʼia daʼö Heberona ba mbanua si so ba hili Yehuda.
8 Ba mbanua Nungo Nidanö Yoridano tanö ba gatumbukha Yerikho, lafili Mbeseri+ ba danö si mate ba danö sohili ba mbanua mado Rubeno, Ramoti+ ba Gileadi ba mbanua mado Gado, Golana+ ba Mbazana ba mbanua mado Manase.+
9 Daʼö mbanua nitatugöi ba ndraono Gizaraʼeli fefu awö niha si fatewu ba gotaluara. Gofu haniha manö zamunu niha si tenga niʼodödögö, tola moloi ia ba daʼö.+ Lö labunu ia niha sedöna molau balö fatua lö muʼetuʼö hukumania föna niha sato.+