Yosua 21:1-45
21 Ira sondröniaʼö ba nösi nomo zatua ira matua ba mado Lewi, laʼondrasi Gere Eleazari,+ Yosua ono Nuni hegöi ira sondröniaʼö ba nösi nomo zatua ira matua moroi ba mado Gizaraʼeli maʼafefu
2 ba Zilo+ ba danö Ganaʼana. Lamane, ”No iwaʼö Yehowa khö Moze enaʼö tebeʼe khöma mbanua nahia si toröi yaʼaga, simanö göi mbenua soduʼu naha wokubaloi uriföma.”+
3 Simane niwaʼö Yehowa, labeʼe iraono Gizaraʼeli ba niha Lewi mbanua+ awö mbenua soduʼu moroi ba danö ondröita khöra.+
4 Me no mufalua dahö-dahö, latema dana khöra ösi nomo ngaʼötö Gahati.+ Niha Lewi ngaʼötö Gere Gaʼaroni lasöndra 13 banua moroi ba mado Yehuda,+ mado Zimeoni+ ba mado Mbeniami.+
5 Ngaʼötö Gahati tanö böʼö lasöndra dana khöra fulu banua moroi ba nösi nomo mado Geferai,+ mado Dano, ba matonga moroi ba mado Manase.+
6 Ngaʼötö Gereso+ lasöndra 13 banua moroi ba nösi nomo mado Gisasari, mado Gaseri, mado Nafetali ba matonga moroi ba nösi nomo mado Manase ba Mbazana.+
7 Ngaʼötö Merari+ lasöndra 12 banua moroi ba mado Rubeno, mado Gado ba mado Zebuloni.+
8 Simane daʼö wameʼe* ndraono Gizaraʼeli ba niha Lewi mbanua awö mbenua soduʼu, simane niwaʼö Yehowa khö Moze.+
9 Daʼa döi-töi mbanua nibeʼe mado Yehuda hegöi mado Zimeoni+
10 ba ndraono Gaʼaroni ngaʼötö Gahati moroi ba mado Lewi, börö me yaʼira zi oföna manema dahö-dahö.
11 Labeʼe khöra Giriati-araba+ (Araba ama Genaki), yaʼia daʼö Heberona,+ ba mbanua si so ba hili Yehuda awö mbenua soduʼu ba zi fasuinia.
12 Hizaʼi, tanö si so ba zi fasui banua daʼö awö mbanua side-ide labeʼe khö Galebi ono Yefune.+
13 Labeʼe ba ndraono Gere Aʼaroni mbanua Heberona+ awö mbenua soduʼu, yaʼia daʼö banua folumöʼö ba niha si no mamunu niha,+ simanö göi Libena+ awö mbenua soduʼu khönia,
14 Yatiri+ awö mbenua soduʼu khönia, Esemoa+ awö mbenua soduʼu khönia,
15 Holono+ awö mbenua soduʼu khönia, Debira+ awö mbenua soduʼu khönia,
16 Aʼina+ awö mbenua soduʼu khönia, Yuta+ awö mbenua soduʼu khönia, Beti-zamesi awö mbenua soduʼu khönia. So siwa fefu mbanua sebua moroi ba mado si dombua andrö.
17 Moroi ba mado Mbeniami: Gibeona+ awö mbenua soduʼu khönia, Geba awö mbenua soduʼu khönia,+
18 Anatoti+ awö mbenua soduʼu khönia, Alamo awö mbenua soduʼu khönia, so öfa fefu mbanua sebua.
19 So 13 mbanua segebua awö mbenua soduʼu nibeʼe khö ndra ere ngaʼötö Gaʼaroni.+
20 Niha Lewi tanö böʼö moroi ba nösi nomo ngaʼötö Gahati, lasöndra mbanua moroi ba mado Geferai.
21 Labeʼe khöra mbanua folumöʼö nisawa niha si no mamunu niha,+ yaʼia daʼö Sikhema+ awö mbenua soduʼu khönia, ba mbanua si so ba hili Geferai, simanö göi Gezeri+ awö mbenua soduʼu khönia.
22 Kibisaʼi awö mbenua soduʼu khönia, Beti-horona+ awö mbenua soduʼu khönia, so öfa fefu mbanua sebua.
23 Moroi ba mado Dano: Eliteke awö mbenua soduʼu khönia, Gibetona awö mbenua soduʼu khönia,
24 Ayalona+ awö mbenua soduʼu khönia, Gata-rimono awö mbenua soduʼu khönia, so öfa fefu mbanua sebua.
25 Matonga moroi ba mado Manase: Taʼanakhi+ awö mbenua soduʼu khönia, Gata-rimono awö mbenua soduʼu khönia. So dombua fefu mbanua sebua.
26 So fulu mbanua segebua awö mbenua soduʼu nibeʼe ba ngaʼötö Gahati tanö böʼö.
27 Matonga moroi ba mado Manase, niha Lewi ngaʼötö Gereso+ lasöndra mbanua folumöʼö nisawa niha si no mamunu niha, yaʼia daʼö Olana+ ba Mbazana awö mbenua soduʼu khönia, simanö göi Mbeʼeseri awö mbenua soduʼu khönia. So dombua fefu mbanua sebua.
28 Moroi ba mado Gisasari:+ Kisiona awö mbenua soduʼu khönia, Daberata+ awö mbenua soduʼu khönia,
29 Yaramuti awö mbenua soduʼu khönia, Eni-gani awö mbenua soduʼu khönia. So öfa fefu mbanua sebua.
30 Moroi ba mado Gaseri:+ Miseala awö mbenua soduʼu khönia, Abedono awö mbenua soduʼu khönia,
31 Helikata+ awö mbenua soduʼu khönia, Rehobo+ awö mbenua soduʼu khönia. So öfa fefu mbanua sebua.
32 Moroi ba mado Nafetali: banua folumöʼö+ ba niha si no mamunu niha, yaʼia daʼö Kadesi+ si so ba Galilaia awö mbenua soduʼu khönia, Hamoti-dora awö mbenua soduʼu khönia, Karatana awö mbenua soduʼu khönia. So tölu fefu mbanua sebua.
33 So 13 mbanua segebua awö mbenua soduʼu nibeʼe ba ngaʼötö Gereso tanö böʼö.
34 Niha Lewi tanö böʼö yaʼia daʼö ngaʼötö Merari,+ latema dana khöra moroi ba mado Zebuloni:+ Yokenea+ awö mbenua soduʼu khönia, Karata awö mbenua soduʼu khönia,
35 Dimena awö mbenua soduʼu khönia, Nahala+ awö mbenua soduʼu khönia. So öfa fefu mbanua sebua.
36 Moroi ba mado Rubeno: Beseri+ awö mbenua soduʼu khönia, Yasa awö mbenua soduʼu khönia,+
37 Kedemoti awö mbenua soduʼu khönia, Mefaʼata awö mbenua soduʼu khönia. So öfa fefu mbanua sebua.
38 Moroi ba mado Gado:+ banua folumöʼö ba niha si no mamunu niha, yaʼia daʼö Ramoti si so ba Gileadi+ awö mbenua soduʼu khönia, Mahanaʼi+ awö mbenua soduʼu khönia,
39 Hesibona+ awö mbenua soduʼu khönia, Yaʼezeri+ awö mbenua soduʼu khönia. So öfa fefu mbanua sebua.
40 So 12 mbanua segebua nibeʼe ba niha Lewi tanö böʼö, yaʼia daʼö ngaʼötö Merari.
41 So 48 mbanua niha Lewi si so ba danö ndraono Gizaraʼeli awö mbenua soduʼu khönia.+
42 Ero sambua banua so mbenua soduʼu ba zi fasuinia. Simanö göi mbanua tanö böʼö.
43 Simane daʼö wameʼe Yehowa tanö ba ndraono Gizaraʼeli fefu si no ifabuʼu khö ndra tuara.+ Larabu danö andrö ba toröi ira ba daʼö.+
44 Ibeʼe khöra waʼohahau dödö Yehowa simane hölunia khö ndra tuara.+ Lö hadöi udu ba zi fasuira si tola molawa yaʼira.+ No ibeʼe ba dangara fefu nudura Yehowa.+
45 Fefu zi sökhi nifabuʼu Yehowa ba ndraono Gizaraʼeli, lö zi lö itörö. Fefu ahori ifalua.+
Nisura ba gahe zura
^ Mazui ”dahö-dahö nifalua”.
