Zakharia 10:1-12
10 ”Miʼandrö deu khö Yehowa na no irugi baŵa woliwiö.
Yehowa zamazökhi gari mbanua,Sanorugö teu ba niha gulidanö,+Irege tumbu zinanö soguna ba niha.
2 Börö me falimosa* niwaʼö nadu* andrö;Faya gangilata ndra samaʼeleʼö andrö,Latutunö wangifi si lö eluaha.
Zaya-zaya gölö wondrara dödö nibeʼera.
Daʼö mbörö wa muzawili misa niha simane biri-biri.
Tefakao ira börö me lö hadöi sokubaloi yaʼira.
3 Mofönu sibai ndraʼo khö ndra kubalo,Ba uhuku ndra sondröniaʼö somasi mamakao niha,*Yaʼo Yehowa samatörö saradadu zorugo, no uʼameʼegö tödö niha Yehuda si no amaedola ngawawa khögu+Ubaliʼö ira simane kudo sabölö ba wasuwöta khögu.
4 Moroi ba khöra dania tohare zondröniaʼö,*Moroi ba khöra so samösa zamatörö sameʼe famarou dödö,Moroi ba khöra iʼotarai fana sinali ba wasuwöta;Moroi ba khöra tohare zamaigi-maigi.*
Fefu daʼö moroi ba khöra tohare.
5 Tobali ira simane saradadu sagabölö,Sanguhundragö lala sotambu weʼamöi fasuwö.
Möi ira fasuwö börö me fao khöra Yehowa.+
Teʼailasi dania niha si fakudo.+
6 Ubeʼe waʼabölö ba niha Yehuda,Ba uʼorifi ngaʼötö Yosefo.+
Uʼohe ira mangawuli,Börö me uhakhösi tödö ira,+Hulö zi lö irai utimbagö ira.+
Yaʼo Yehowa Lowalangira, ba ufondrondrongo wangandröra.
7 Tobali niha sabölö dania Geferai,Ba omuso dödöra hulö niha samadu agu.+
Laʼila daʼö iraonora ba owua-wua dödöra.
Omuso dödöra börö Yehowa.+
8 ’Fawikho-wikho ndraʼo ba wangowuloi yaʼira,Monönö dania waʼatora börö me uhöli ira,+Ba lö alö waʼatora.
9 Simane tanömö zinanö, ufazawili ira misa ba gotalua soi böʼö,Hizaʼi, latörö tödöra ndraʼo me so ira ba danö saröu.
Ifuli tefarou dödöra ba mangawuli ira, fao khöra ndraonora.
10 Uheta ira mangawuli moroi ba danö Miserai,Ba uʼowuloi ira ba Asiria.+
Uʼohe ira ba Gileadi+ hegöi ba Libano.
Hizaʼi, ambö nahara danö daʼö.+
11 Ba ginötö ibaʼa ira asi,Utörö ba ubözi ndrulunia.+
Ba ginötö ibaʼa ira Ungo Nidanö Nilo,Uʼoköliʼö nidanö daʼö.
Uheta waʼasiliyawa niha Asiria,Ba taya waʼabölö ziʼo wamatörö niha Miserai.+
12 Yaʼo Yehowa zangabölöʼö yaʼira,+Ba möi famolakhömi döigu gamuatara,’+ iwaʼö Yehowa.”
Nisura ba gahe zura
^ Mazui ”me fakelemusa”.
^ Mazui ”adu nösi nomo”. Sin.: ”terafi”.
^ Mazui ”si hulö nambi”.
^ Sin.: ”malige watalinga”. Muʼamaedolagö daʼa niha sabölö moguna.
^ Mazui ”zameʼe halöwö”.