Zakharia 11:1-17
11 ”He yaʼugö Libano, bokai mbawandruhömö,Enaʼö ahori akhozi geu eresi khöu.
2 He yaʼugö eu juniper, ebuaʼö liu weʼe börö me no asoʼa geu eresi;No mufakiko geu sagalawa!
He yaʼugö eu ek si so ba Mbazana, ebuaʼö liu weʼe,Börö me no mufakiko gatua sasaiʼö!
3 Mifondrondrongo! He yaʼami kubalo, miʼebuaʼö limi weʼe,Börö me no taya lakhömira.
Mifondrondrongo! Muʼao-ao zingo sawuyu-wuyu,Börö me no mufakiko gatua sasaiʼö ba zi sara lala Nungo Nidanö Yoridano.
4 ”Imane Yehowa Lowalangigu, ’Kubaloi mbiri-biri nitaba dania.+
5 Lö fasala niha sowöli ba sanaba biri-biri daʼö.+ Lamane niha samawa biri-biri andrö,+ ”Yamusuno Yehowa, börö me tobali dania ndraʼo niha si kayo.” Lö ahakhö dödö ndra kubalo khöra.’+
6 ”Imane Yehowa, ’Lö saʼae uhakhösi tödö nono mbanua daʼa. Utehegö lafakao nawöra zamösana hegöi razora. Ladudugö mbanua daʼö, ba lö uʼefaʼö gofu haniha manö moroi ba dangara.’”
7 Ubörögö wokubaloi ngawawa mbiri-biri sedöna mutaba andrö,+ salahimi yaʼami si no tefakao ba daʼö. Andrö wa uhalö dua rozi ziʼo. Si sambua ufotöi Faʼomuso Dödö ba si sambua tö Fahasara Dödö.+ Ba ubörögö wokubaloi biri-biri andrö.
8 Ha ba zi sara waŵa, so datölu gubalo niʼefasigu börö me no taya khögu wanaha tödö, ba lö göi omasi ira khögu.
9 Umane, ”Lö saʼae ukubaloi ami. Sarakhagö mate, akha mate manö ia. Sarakhagö tekiko, akha tekiko manö. Si toröi, akha faoma laʼa nawöra.”
10 Andrö wa uhalö ziʼo Faʼomuso Dödö+ ba utataba, enaʼö lö aʼozu mbuʼusa li nifazökhigu ba soigu.
11 Lö aʼozu mbuʼusa li ba zi maʼökhö daʼö. Niha nifakao si so ba ngawawa andrö, samaigi-maigi yaʼo, aboto ba dödöra wa taromali Yehowa daʼö.
12 Umane khöra, ”Na omasi ami, mibeʼe gazigu. Hizaʼi, na lö omasi ami böi mibeʼe.” Labeʼe gazigu 30 loga firö.+
13 Aefa daʼö imane khögu Yehowa, ”Fazaumba fefu daʼö ba naha wangiröʼö harato. Simane daʼö waʼebua mböligu ba höröra.”+ Andrö wa ufazaumba zi 30 loga firö ba naha wangiröʼö harato ba nomo Yehowa.+
14 Aefa daʼö, utataba ziʼo si dua yaʼia daʼö Fahasara Dödö,+ ba wangetuʼö faʼafatalifusöta Yehuda ba ndraono Gizaraʼeli.+
15 Imane Yehowa, ”Halö gama-gama niʼokhögö gubalo si lö guna.+
16 Utehegö dania tefataro samösa gubalo ba wondrorogö soi daʼa. Lö irorogö mbiri-biri sarakhagö mate,+ lö iʼameʼegö tödö zide-ide, lö ifadöhö zesokho,+ ba lö ibeʼe gö zi lö fökhö. Hizaʼi, iʼa nagole mbiri-biri satabö+ ba iboʼa zaʼa mbiri-biri.+
17 Alai gubalo si lö guna andrö,+ si lö moʼameʼegö tödö ngawawa!+
Iʼa dania föda daʼionia awö hörönia kambölö.
Ombuyu daʼionia,Ba balunö dania hörönia kambölö.”
