Zakharia 12:1-14
12 Angombakhata moroi khö Lowalangi:
”Daʼa niwaʼö Yehowa sanandrösa khö Gizaraʼeli,” iwaʼö Yehowa,Samologö banua si yawa,+Sameʼe fondrasi gulidanö,+Ba sameʼe hanu-hanu ba niha.
2 ”Ubaliʼö dania Yeruzalema andrö simane mako si möi börö waʼamabu ngawalö soi ba zi fasui yaʼia. Tefaʼuʼu Yehuda hegöi Yeruzalema.+
3 Ba luo daʼö, ubaliʼö simane kara sabua Yeruzalema ba ngawalö soi. Dozi samazawa yaʼia hasambalö ebua zokhonia.+ Owulo fefu soi ba gulidanö ba wolawa yaʼia.+
4 Imane Yehowa, ”Ba luo daʼö, ufohafa kudo ba ufowöhö zi fakudo yawania. Lö aetu uʼameʼegö tödö Yehuda, hizaʼi balunö fefu kudo nudu ubeʼe.
5 Lamane tödöra ira sondröniaʼö mado Yehuda, ’Weʼe-weʼe dödöma niha Yeruzalema, börö me Lowalangira yaʼia daʼö Yehowa samatörö saradadu zorugo.’+
6 Ba luo daʼö, ubaliʼö dania simane ndrundrunga ba mbaho geu si so ba dalu gatua ndra sondröniaʼö mado Yehuda, ba simane solo ba naha wangöhöna bua zinanö.+ Laʼa fefu soi ba zi fasuira, tanö ba gambölö hegöi ba gaberania.+ Ifuli toröi niha Yeruzalema ba mbanuara samösa, ba Yeruzalema.+
7 ”Iʼofönaiʼö dania Yehowa wanolo ose niha Yehuda, enaʼö sumange nitema ngaʼötö Dawido hegöi ono mbanua Yeruzalema lö abölö ebua moroi ba zumange nitema Yehuda.
8 Ba luo daʼö, ilumöʼö nono mbanua Yeruzalema andrö Yehowa.+ Ba luo daʼö, abölö niha si tebai* ba gotaluara simane faʼabölö Dawido, ba mamatörö ngaʼötö Dawido simane Lowalangi, simane malaʼika Yehowa sowaö-waö fönara.+
9 Ba luo daʼö, hasambalö uhori fefu soi si tohare ba wolawa Yeruzalema.+
10 ”Ufaduwa gehehagu ba ngaʼötö Dawido hegöi ba nono mbanua Yeruzalema. Uʼomasiʼö dania ira ba ufondrondrongo wangandröra. Latöngö niha nifahöra,+ ba laʼeʼesi simane na mate nono si ha sambua. Mege-ege ira ba waʼamatenia simane na laʼeʼesi nonora siaʼa si no mate.
11 Ba luo daʼö, terongo wege-ege sabölö-bölö moroi ba Yeruzalema, simane fege-ege salua ba Hadandrimo hegöi ba Danö Saloʼo Megido.+
12 Mege-ege soi daʼö. Dozi omo oi mege-ege ira zamösana. Mege-ege nösi nomo ngaʼötö Dawido ba lafasambua naha ndra alawe wege-ege. Simanö göi nösi nomo ngaʼötö Natano,+
13 ösi nomo ngaʼötö Lewi,+ ösi nomo ngaʼötö Zimeʼi,+
14 ba fefu nösi nomo tanö böʼö. Dozi omo oi mege-ege ira ba lafasambua naha ndra alawe wege-ege.
Nisura ba gahe zura
^ Mazui ”sanendre”.