Zakharia 13:1-9
13 ”Ba luo daʼö, so dania mbaʼa nidanö si no mukhao khö ngaʼötö Dawido hegöi ba nono mbanua Yeruzalema, ba wangeheta horö hegöi si raʼiö.+
2 Imane Yehowa samatörö saradadu zorugo, ”Ba luo daʼö, ufakiko fefu nadu si so ba soi daʼa+ ba lö hadöi niha sanörö tödö yaʼira. Uhori göi ndra samaʼeleʼö faya+ hegöi somasi mamalua amuata si raʼiö.
3 Na so samösa zamaʼeleʼö faya, ba lamane dania khönia ira amania ba inania soʼono yaʼia, ’Akha mate ndraʼugö börö me öwaʼö waya ba döi Yehowa.’ Lafahö ia ira amania awö ninania börö me no ifalua wamaʼeleʼö faya.+
4 ”Ba luo daʼö, aila dania ndra samaʼeleʼö sofaya ba gangilata nifaʼeleʼöra, ba lö saʼae lafake mbaru zamaʼeleʼö ba wamaelungu niha, yaʼia daʼö baru sebua nifazökhi moroi ba mbu gurifö.+
5 Ba imane, ’Tenga samaʼeleʼö ndraʼo. Ha sohalöwö ba danö,* börö me no laʼöli ndraʼo tobali sawuyu iʼotarai me awuyu-wuyudo.
6 Na so niha sanofu, ’Hana wa mesokho ndraʼugö?’* Imane, ’No mesokho ndraʼo ba nomo nawögu.’”*
7 Imane Yehowa samatörö saradadu zorugo, ”He yaʼugö föda, faoso, lawa gubalogu,+Lawa niha sahatö khögu.
Suwö gubalo andrö+ ba akha muzawili mbiri-birinia;+Ufazawa dangagu ba wolawa niha si lö eluaha andrö.”
8 Imane Yehowa,”Dombua niʼotölu dania niha moroi ba soi daʼa hasambalö ufakiko ba uhori.
Ba si sambua niʼotölu tö lö tebulö toröi ira ba daʼa.
9 Utandraigö zi sambua niʼotölu andrö ba uhaogö ira,Simane fanunu anaʼa hegöi firö ba galitö.+
Laʼangaröfili döigu,Ba utema lira.
Umane khöra, ’Yaʼira andrö ono mbanuagu,’+
Ba lamane, ’Yehowa andrö Lowalangima.’”
Nisura ba gahe zura
^ Mazui ”samaku tanö”.
^ Sin.: ”gotalua dangamö”. Eluahania ba dötöʼa mazui ba döla hulu.
^ Mazui ”niha niʼomasiʼögu”.
