Zakharia 2:1-13
2 Aefa daʼö, uʼila samösa ndra matua sololohe sinali fanuʼa.+
2 Manofudo khönia, ”Hezo möiʼö?”
Imane, ”Möido ba wanuʼa Yeruzalema, enaʼö uʼila hawaʼanau ba hawaʼebolo danö daʼö.”+
3 Aefa daʼö, mofanö malaʼika si fahuhuo khögu andrö, ba so malaʼika tanö böʼö sangondrasi yaʼia.
4 Imane khönia, ”Aliokö weʼamöi ba daʼö ba fatunö khö nono matua andrö, ’”Tobali dania banua+ si lö baʼa-baʼa Yeruzalema, börö me itugu monönö waʼato nono mbanuania hegöi uriföra.+
5 Yaʼo zi tobali baʼa-baʼa alitö ba zi fasuinia,+ ba ufönui nahia daʼö faoma lakhömigu,” iwaʼö Yehowa.’”+
6 ”Aliokö! Aliokö! Oloi moroi ba soi tanö yöu,”+ iwaʼö Yehowa.
”Börö me no ufazawili ami ba zi öfa watalinga danö,”*+ iwaʼö Yehowa.
7 ”Aliokö Siona! Oloi, yaʼugö si toröi ba Mbabilona.+
8 Me no aefa tefolakhömi Yehowa samatörö saradadu zorugo, ifatenge ndraʼo* ba ngawalö soi si no morabu yaʼami.+ Imane, ’Gofu haniha zombambaya yaʼami, no ibabaya nono hörögu.+
9 Iadaʼa ufazawa dangagu ba wolawa yaʼira, ba sawuyura dania zorabu haratora.’+ Awena dania aboto ba dödömi wa yaʼo nifatenge Yehowa samatörö saradadu zorugo.
10 ”He yaʼugö Siona, omusoiʼö dödöu+ börö me tohare ndraʼo,+ ba toröi ndraʼo ba gotaluami,”+ iwaʼö Yehowa.
11 ”Ba luo daʼö, oya soi si faʼawö khö Yehowa.+ Tobali ira ono mbanuagu ba toröi ndraʼo ba gotaluara.” Ba daʼö dania öʼila wa Yehowa samatörö saradadu zorugo andrö zamatenge yaʼo khöu.
12 Tobali okhöta Yehowa dania Yehuda ba danö niʼamoniʼö khönia, ba ifuli ifili Yeruzalema.+
13 He yaʼami ono niha, böi mihede-hede föna Yehowa, börö me no mofanö ia moroi ba nahiania niʼamoniʼö ba wamalua ohitö dödönia.
