Zakharia 6:1-15
6 Aefa daʼö uʼila öfa rozi gureta kudo si otarai ba gotalua hili si dombua nifazökhi moroi ba tembaga.
2 Kureta wasuwöta si oföna idöni ia kudo soyo, ba kureta wasuwöta si dua, idöni ia kudo saitö.+
3 Kureta wasuwöta si tölu idöni ia kudo safusi, ba kureta wasuwöta si öfa idöni ia kudo sombawa-mbawa ba sogara-gara.+
4 Manofudo khö malaʼika si fahuhuo khögu, ”Hadia daʼö Pa?”
5 Imane malaʼika daʼö, ”Yaʼira andrö malaʼika si daöfa+ si möi baero moroi ba zorugo me no aefa laʼondrasi Lowalangi samatörö ulidanö maʼasagörö.+
6 Ba mbanua tanö yöu möi gureta nidöni kudo saitö.+ Tanö ba gaekhula* möi gureta nidöni kudo safusi, ba tanö raya möi gureta nidöni kudo sombawa-mbawa.
7 Terou sibai dödö kudo sogara-gara ba woʼanöröi ulidanö.” Ba imane malaʼika daʼö, ”Ae töröi gulidanö.” Labörötaigö woʼanöröi ulidanö.
8 Aefa daʼö ikaonido malaʼika andrö ba imane, ”Hiza, no alö wönu Yehowa ba soi tanö yöu börö kudo si no möi ba daʼö.”
9 Imane nasa khögu Yehowa,
10 ”Halö dolo-tolo niʼohe Helidaʼi, Tobia ba Yedaya moroi khö ndra niha niʼoloiʼö. Ba ngaluo si no mutatugöi, fao ba niha si tohare moroi ba Mbabilona weʼamöi ba nomo Yosia ono Zefania.
11 Fazökhi dakula* moroi ba wirö hegöi moroi ba ganaʼa, ba beʼe daʼö ba högö gere sebua sotöi Yosua+ ono Yosadaki.
12 Ömane khönia,”’Imane Yehowa samatörö saradadu zorugo, ”Daʼa niha nifotöi Liwiö.+ Moliwiö ia moroi ba nahiania samösa ba yaʼia dania zamazökhi osali Yehowa.+
13 Yaʼia zamazökhi osali Yehowa ba itema dania lakhömi. Modadao ia ba dadaomania ba tobali ia razo ba ere.+ Yaʼia zololohe halöwö si dombua andrö ba iʼasogö waʼatulö.*
14 Ba mubeʼe dakula* daʼö ba gosali Yehowa si tobali fanörö tödö sanandrösa khö Helemi, Tobia, Yedaya,+ Heni ono Zefania.
15 Möi niha moroi ba mbanua saröu ba wolului famazökhi osali Yehowa.” Na miʼoʼö niwaʼö Yehowa Lowalangimi, lö zi lö aboto ba dödömi wa Yehowa samatörö saradadu zorugo zamatenge yaʼo khömi.’”
Nisura ba gahe zura
^ Mazui ”Ba zi tambai nasi”.
^ Mazui ”dakula solakhömi”.
^ Mazui ”Tefaudu wamaluania halöwö si dombua andrö”.
^ Mazui ”dakula solakhömi”.