Zakharia 8:1-23
8 Ifuli mohede khögu Yehowa samatörö saradadu zorugo,
2 ”Imane Yehowa samatörö saradadu zorugo, ’Monönö waʼaterou dödögu ba wolumöʼö Siona.+ Ulumöʼö ia si fao faʼaterou dödö ba fönugu sabölö-bölö.’”
3 ”Imane Yehowa, ’Mangawulido ba Ziona+ ba toröi ndraʼo ba Yeruzalema.+ Mufotöi dania Yeruzalema banua sindruhu,*+ ba hili Yehowa samatörö saradadu zorugo andrö mufotöi ia hili niʼamoniʼö.’”+
4 ”Imane Yehowa samatörö saradadu zorugo, ’Modadao niha salawa döfi ba golayama Yeruzalema simane me mböröta, ba lagogohe ziʼora zamösana börö me no atua ira.+
5 Ato dania ndraono si famai-mai ba golayama mbanua andrö.’”+
6 ”Imane Yehowa samatörö saradadu zorugo, ’Hewaʼae tebai alua daʼö na dali wamaigi niha si toröi, hadia tebai alua daʼö ba wamaigigu?’ iwaʼö Yehowa samatörö saradadu zorugo.”
7 ”Imane Yehowa samatörö saradadu zorugo, ’Uʼorifi nono mbanuagu ba soi tanö ba gatumbukha hegöi soi tanö ba gaekhula luo.+
8 Uʼohe ira mangawuli ba toröi ira ba Yeruzalema.+ Tobali ira ono mbanuagu, ba Lowalangira+ si lö faröi* ndraʼo ba satulö.
9 ”Imane Yehowa samatörö saradadu zorugo, ’Böi miʼataʼufi.*+ No mirongo iadaʼa wehede nifaʼema ndra ere.+ No irai lafaʼema wehede daʼa mböröta me awai mufasindro wondrasi nomo Yehowa samatörö saradadu zorugo, enaʼö tola muʼasiwai wamazökhi osali andrö.
10 Fatua lö irugi inötö daʼö, lö hadöi niha mazui urifö si tola manema luora.+ Lö hadöi si tola möi baero ba si möi bakha börö me so nudu. Ufaʼudu fefu niha.’
11 ”’Iadaʼa, lö ufalua ba niha si toröi ba soi daʼa hadia zi no ufalua mböröta,’+ iwaʼö Yehowa samatörö saradadu zorugo.
12 ’Latanö zinanö sangaʼasogö faʼahono dödö, mowua dania nagu, ibeʼe mbuania tanö,+ ba so namo moroi ba mbanua si yawa. Mubeʼe fefu daʼö ba niha si toröi ba soi daʼa.+
13 He yaʼami niha Yehuda hegöi Izaraʼeli, me mböröta tobali fangelifi döimi labeʼe soi böʼö.+ Hizaʼi, uʼorifi ami iadaʼa ba tobali ami howu-howu.+ Böi miʼataʼufi!+ Enaʼö barani ami.’*+
14 ”Imane Yehowa samatörö saradadu zorugo, ’”Me laʼandrö wönugu ira tuami, uhalö gangetula ba wangaʼasogö famakao ba lö tebulö gera-eragu,”*+ iwaʼö Yehowa samatörö saradadu zorugo,
15 ”no göi uhalö gangetula iadaʼa ba wamalua si sökhi ba Yeruzalema hegöi ba niha Yehuda.+ Böi miʼataʼufi!”’+
16 ”Daʼa zinangea mifalua: Mitörö zindruhu na fahuhuo ami khö nawömi;+ mihalö gangetula satulö ba sangaʼasogö faʼahono dödö na miʼetuʼö huku ba mbawa göli mbanua;+
17 böi so ba dödömi wangera-ngera si lö sökhi ba wamakao awömi,+ ba böi miʼae ba hölu ba waya;+ börö me si fatuwu ndraʼo daʼö fefu,’+ iwaʼö Yehowa.”
18 Mohede nasa khögu Yehowa samatörö saradadu zorugo,
19 ”Imane Yehowa samatörö saradadu zorugo, ’Tobali dania owasa solohe faʼomuso dödö ba faʼowua-wua dödö+ wuasö nifalua niha Yehuda ba mbaŵa si öfa,+ si lima,+ si fitu+ hegöi si fulu.+ Börö daʼö, miʼomasiʼö zindruhu ba satulö.’
20 ”Imane Yehowa samatörö saradadu zorugo, ’Ba luo daʼö, tohare ngawalö soi awö nono mbanua sato moroi ba mbanua böʼö.
21 Möi zi sambua soi ba wamalukhaisi soi böʼö ba lamane, ”Aine, dataforege wangandrö faʼahakhö dödö khö Yehowa ba taʼalui Yehowa samatörö saradadu zorugo. Möi göi ndraʼo.”+
22 Ato niha hegöi soi sagabölö si möi ba Yeruzalema ba wangalui Yehowa samatörö saradadu zorugo+ ba laʼandrö waʼahakhö dödö khö Yehowa.’
23 ”Imane Yehowa samatörö saradadu zorugo, ’Ba luo daʼö, so dafulu ndra matua moroi ba ngawalö soi hegöi li,+ lagogohe mbaru sebua* khö zi samösa niha Yahudi ba lamane, ”Omasiga fao khömi,+ börö me no marongo wa fao khömi Lowalangi.”’”+
Nisura ba gahe zura
^ Mazui ”si lö faröi”.
^ Mazui ”sindruhu”.
^ Mazui ”Miʼabölöʼö ami wohalöwö”.
^ Mazui ”Miʼabölöʼö ami wohalöwö”.
^ Mazui ”lö maniasa ndraʼo”.
^ Mazui ”ahe mbaru”.
