Zefania 1:1-18
1 Imane Yehowa khö Zefania* ono Khusi ono Gedalia ono Gamaria ono Hizikia me mamatörö Yosia+ ono Gamoni+ tobali razo ba Yehuda.
2 ”Hasambalö uhori fefu zi so ba gulidanö,” iwaʼö Yehowa.+
3 ”Uhori niha awö gurifö.
Uhori wofo ba dalu mbanua awö giʼa ba nasi,+Simanö göi niha si lö sökhi awö wangala ba wamalua horö;*+Uhori niha moroi ba gulidanö,” iwaʼö Yehowa.
4 ”Ufazawa dangagu ba wolawa Yehuda,Hegöi ba wolawa ono mbanua Yeruzalema maʼafefu.
Uhori Mbaʼali ba nahia daʼa irege lö si toröi,+Simanö göi döi-töi ndra ere samosumange lowalangi böʼö awö ndra ere sofaya,+
5 Uhori göi niha si möi ba dete nomo ba wangalulu föna ndra saradadu zorugo,+Simanö göi niha sangalulu si möi ba hölu wa lö faröi ia khö Yehowa+Ba möi göi ia ba hölu khö lowalangi Malakama;+
6 Simanö göi niha si lö moloʼö khö Yehowa saʼae+
Ba si lö mangalui Yehowa mazui si lö mangandrö fanuturu lala khönia.”+
7 Böi hede-hede föna Yehowa Lowalangi Fondrege Zalawa, börö me lö ara tö luo Yehowa.+
So zumange si no ihenaigö Yehowa; no iʼamoniʼö niha nikaoninia.
8 ”Ba luo daʼö, yaʼo Yehowa, ubeʼe zumange, uhuku ndra sondröniaʼö,Ono razo+ awö niha samake nukha simane nukha soi böʼö.
9 Ba luo daʼö, uhuku fefu niha sangahatöʼö yaʼia ba zinga dadaoma razo,Yaʼia daʼö niha solohe faʼalösökhi ba falimosa ba nomo zokhö yaʼia.”
10 Imane Yehowa, ”Ba luo daʼö,Terongo dania weʼira-ira ba Mbawa Göli Giʼa,+Ba terongo wege-ege ba Mbanua si Bohou si so ba daʼö,+Terongo göi li sebua börö waʼadudu hili-hili.
11 He yaʼami ono mbanua Maketesi,* miʼebuaʼö limi wege-ege,Börö me no muhori* zogale,No muhori fefu niha sanuʼa firö.
12 Ba luo daʼö, uʼohe wandru ba uhaogö wamareso Yeruzalema,Ba uhuku niha sangumaʼö wa no isöndra waʼahono dödö,* sangumaʼö tödönia,’Lö ifalua zi sökhi Yehowa hegöi si lö sökhi.’+
13 Teʼoloiʼö dania haratora ba mufakiko nomora.+
Lafazökhi nomo, ba tenga yaʼira zangiagö.
Lafazökhi kabu nagu, ba tenga yaʼira zamadu agunia.+
14 No ahatö ngaluo sebua andrö khö Yehowa!+
No ahatö ia ba lö ara tö irugi!+
Si hokha mbu niha weʼugu-ugu ngaluo Yehowa.+
Ba luo daʼö, moʼira-ira niha sagabölö börö waʼataʼu.+
15 Ngaluo wofönu daʼö,+Ngaluo waʼatosasa ba famakao,+Ngaluo nangi sabölö-bölö ba fanudugö,Ngaluo waʼabongi ba faʼogömi-gömi,+Ngaluo solawuo ba faʼogömi,+
16 Ngaluo wamoli torofe nifazökhi moroi ba dandru ba feʼao ba wasuwöta,+Ba mbanua sebua si no mufoʼöli hegöi ba malige salawa si so ba watalinga.+
17 Uʼasogö wamakao ba niha,Ba mowaö-waö ira simane niha si balunö,+Börö me no lafalua horö föna Yehowa.+
Laduwagö ndrora ba tobali awu,Ba tobali si taʼunö nagolera.*+
18 Lö möi fangorifira wiröra hegöi anaʼara ba ngaluo wönu Yehowa.+
Ahori akhozi gulidanö börö galitö wönunia sabölö-bölö,+Ihori dania niha sowanua ba danö si fao fehokha mbu.”+
Nisura ba gahe zura
^ Eluahania ”Yehowa Zaminiʼö (Sangiröʼö)”.
^ Mazui ”enaʼö manendre niha”. Simane gama-gama mazui nifalua niha ba wanömba adu.
^ Te banua sahatö ba Mbawa Göli Giʼa si so ba Yeruzalema.
^ Sin.: ”muduhö mbawa”.
^ Mazui ”niha si hulö nagu si no baku ba dete wörö-wörönia”.
^ Sin.: ”mbetuʼara”.
