Zefania 3:1-20
3 Alai mbanua si lö sökhi, somasi mamadaö ba samakao!+
2 Lö khönia foloʼö;+ ba lö omasi ifondrondrongo wotu.+
Lö faduhu dödönia khö Yehowa;+ lö ihatöʼö ia khö Lowalanginia.+
3 Hulö zingo sindröndrö-ndröndrö ndra sondröniaʼö khönia.+
Hulö nasu gatua ba zi bongi ndra sangetuʼö huku khönia,Sara na so döla niröira irugi mahemolu sihulö wongi.
4 No si lö ngaroro ba sonekhe ndra samaʼeleʼö khönia.+
No lataʼunöisi niʼamoniʼö andrö ira ere;+Lasawö goroisa.+
5 No satulö Yehowa ba toröi ia ba mbanua daʼö.+ Lö nifaluania sala.
Hasambalö ifatunö gamakhoitania ero sihulö wongi,+Simane haga luo si tumbu ero sihulö wongi.
Hizaʼi, lö laʼila waʼailara niha si lö atulö.+
6 ”Uhori ngawalö soi; no muröi maligenia si so ba watalinga.
Ufakiko lalania irege lö hadöi si tola manörö.
Tobali adudula mbanuara, lö hadöi niha ba lö sangiagö banua daʼö.+
7 Umane, ’Moguna öʼataʼufi ndraʼo ba fondrondrongo wotu nibeʼegu,’+
Enaʼö lö muhori nahia waʼatoröinia.+
Daʼö mbörö wa lö tola löʼö uhuku ia.
Hizaʼi, itugu terou dödöra ba wamalua si lö sökhi.+
8 Imane Yehowa, ’Böi miböhöli wombaloi yaʼo.+
Irege toharedo ba worabu,*Börö me no uhalö gangetula ba wangowuloi ngawalö soi hegöi famatörö,Ba wanuwagö fönugu andrö khöra, fönu si hola-hola,+Ahori akhozi gulidanö börö galitö wönugu sabölö-bölö.+
9 Ba luo daʼö dania, ufahaʼö ngawalö soi ba wangogunaʼö li sohau-hau,Enaʼö tola laʼangaröfili döi Yehowa,Ba fao ira* ba wamosumange yaʼia.’+
10 Iʼotarai mbanua si so ba nungo nidanö Gaitiofia,Laʼohe khögu zumange ira niha soʼangaröfili yaʼo, yaʼia daʼö ono mbanuagu si no muzawili.+
11 Lö dania örasoi waʼaila ba ngaluo daʼöBa ngawalö nifaluamö fefu me mamadaö ndraʼugö khögu.+
Ba ngaluo daʼö dania, uhori niha si fayawa ba sohöni-höni yaʼia ba gotaluami.
Lö fayawa saʼae dania ndraʼugö ba hili niʼamoniʼö khögu.+
12 Utehegö so ba gotaluami niha sangide-ngideʼö ba si lö fayawa,+Ba lalumöʼö ira ba döi Yehowa.
13 Lö lafalua zi lö atulö+ iraono Gizaraʼeli+ si toröi;Lö lawaʼö waya ba lö falimo lelara.
Manga ira ba lalau mörö, ba lö hadöi sametaʼu yaʼira.”+
14 Omusoiʼö dödöu, yaʼugö Siona!
Omusoiʼö dödöu weʼao, yaʼugö Izaraʼeli!+
Omusoiʼö dödöu ba owua-wuaʼö dödöu soroi ba dödö, he yaʼugö Yeruzalema!+
15 Lö saʼae ihuku ndraʼugö Yehowa.+
No ifofanö nudumö.+
Toröi ba daʼö Yehowa, Razo ndraono Gizaraʼeli.+
Lö saʼae khöu faʼataʼu börö wamakao.+
16 Ba luo daʼö, umane ba Yeruzalema,
”Böi ataʼufi yaʼugö Siona.+
Böi afatö dödöu.*
17 Ba daʼö toröi Yehowa Lowalangiu.+
Yaʼia andrö Fondrege Zabölö sangorifi yaʼugö.
Omuso sibai dödönia börö ndraʼugö.+
Ahono dödönia börö me iʼomasiʼö ndraʼugö.
Owua-wua dödönia börö ndraʼugö.
18 Uʼowuloi fefu niha sabu tödö börö me tebai fao ira ba wamalua owasa khöu.+
Tebai fao ira börö me lataögö wangoʼaya ba danö niʼoloiʼö yaʼira.+
19 Ba luo daʼö, uhuku niha samakao yaʼugö,+Uʼefaʼö niha sakela-kela,+Ba uʼowuloi niha si no muzawili.+
Uʼalui lala enaʼö tehöngö ba lasuno ira niha,Ba mbanua si no irai mangailasi yaʼira.
20 Ba luo daʼö, uʼowuloi ami,Ba ufangawuli ami.
Föna duduma hörömi, uʼohe mangawuli ami moroi ba wangoloiʼö,+Irege tehöngö ba lasuno-suno ami niha ba zi sagörö ulidanö,” iwaʼö Yehowa.+
Nisura ba gahe zura
^ Mazui te ”tobali samaduhuʼö”.
^ Mazui ”hasara dödöra”.
^ Mazui ”Böi tehegö adada dangau”.
